Video
Read full review
2009-12-16
36 views
雖然這間餐廳位於天后的車房堆, 而且並不容易搵到, 但為左一試前酒店法國菜大廚的手勢, 特意訂位試一下佢的晚餐, 餐廳有著古典的裝潢,有大概7-8張檯, 但估唔到當晚竟然有5張檯的客人, 比起之前食友所講的冷清情況好好多, 我想係有點成績吧, 真係可喜可賀!! 人手不多, 只有大廚jacky, 廚房助手同waitress三位員工我叫左一個以法式油鴨為主菜的晚餐($328), 首先上一籃蒜蓉包, 一片片的法包塗上蒜蓉牛油再焗到熱烘烘, 怎麼會唔好食??!!第一頭盤係香煎肥鵝肝, 鵝肝的size頗為大片, 厚度一般, 配上用陳醋調教成的醬汁, 酸酸甜甜的, 可減輕鵝肝油膩感, 而且咬下去有入口即溶的感覺, 味道濃郁, 配法包食最正, 可惜個面煎得不夠香脆, 而沙律配菜一d都唔失禮, 有生菜, 橙, 西柚等, 配自製汁醋食得好開胃架!接著奉上的係龍蝦湯, 一睇顏色便知對辦了, 用龍蝦殼素的橙紅色, 上檯時下了少許忌廉增加香滑程度, 飲落去有濃濃的龍蝦殼味, 加上可能下了很少很少的干邑酒, 令其鮮味更加提升了不少, 而且每碗都有幾舊爽口的龍蝦肉, yummy yummy!!第二頭盤係菠菜芝士焗
我叫左一個以法式油鴨為主菜的晚餐($328), 首先上一籃蒜蓉包, 一片片的法包塗上蒜蓉牛油再焗到熱烘烘, 怎麼會唔好食??!!
第一頭盤係香煎肥鵝肝, 鵝肝的size頗為大片, 厚度一般, 配上用陳醋調教成的醬汁, 酸酸甜甜的, 可減輕鵝肝油膩感, 而且咬下去有入口即溶的感覺, 味道濃郁, 配法包食最正, 可惜個面煎得不夠香脆, 而沙律配菜一d都唔失禮, 有生菜, 橙, 西柚等, 配自製汁醋食得好開胃架!
接著奉上的係龍蝦湯, 一睇顏色便知對辦了, 用龍蝦殼素的橙紅色, 上檯時下了少許忌廉增加香滑程度, 飲落去有濃濃的龍蝦殼味, 加上可能下了很少很少的干邑酒, 令其鮮味更加提升了不少, 而且每碗都有幾舊爽口的龍蝦肉, yummy yummy!!
第二頭盤係菠菜芝士焗美國生蠔, 有好多的菠菜, 但芝士味道唔係太濃, 而且個面焗得唔夠燶,幾唔好睇呢??!! 用的美國生蠔固然鮮味同大隻, 但都好難避免焗完後會縮到好小了, 我自己食過一d餐廳的焗蠔食法係可以唔需要焗至全熟, 大概7-8成熟, 而的菠菜芝士蓉面頭加上少許麵包糠, 那麼焗出來個樣又好睇, 生蠔又唔會縮水很多, 而且還食到蠔的新鮮味道...
到主菜時間, 係法式焗油鴨(duck confit), 呢個係一個傳統的法國菜, 一般係用鴨腿用盬醃和其本身的油浸住, 然後放在雪櫃2-3日, 到食的時侯再低溫慢煮把油煮溶, 跟住才煎或焗至金黃脆皮, 估唔到大廚還肯花時間去弄這個心機菜, 而且仲有2隻鴨腿, 絕不欺場, 咬落去肉質鬆化, 有少少油膩同味道咸香, 完全係以上醃製程序弄得好的結果, 配上大廚自製的芥末子的醬汁, 食完已經飽得好緊要了!!
甜品我選擇左這裡出名即焗的薑味梳乎里, 食落去頗為軟熟, 蛋白味濃, 唔太甜, 而waitress將佢篤穿加入薑汁, 但薑汁比較淡味, 早知叫朱古力味啦, 對於出名的薑味梳乎里真係有點失望!! 而太座叫的tirmasu就更加失策, 一望落去覺得應該係來貨而唔係home made, 雖然望落去有手指餅, 但芝士, 酒味, 咖啡味皆十分不済, 我想甜品方面真係比較弱的一環, jacky要諗諗計啦!!
最後以檸檬茶作結, 整體上雖然未能做到盡善盡美, 亦有很多地方需要改善, 相信未來仍有進步空間, 其實此小店真係有誠意同用心製作, 大廚jacky功力深厚, 值得一試!! HSBC同DBS信用卡仲免加一添!!
Post
