Panda Burger (Closed)

週末同男友嚟午餐, 去到剛好好位, 所以好快就入座之後出面就開始有人等位, 而且陸續都有好多叫外賣嘅人。我照舊叫左羊堡餐配沙律。男友就叫左流心蛋carbonara set再另加薯條先上係沙律, 好新鮮, 醬汁亦好味, 酸酸地。再嚟就係嘅carbonara, 男友話ok 唔錯, 我試咗一啖, 都覺得幾好味, 但唔算好特出。食食吓, 我個羊堡都嚟啦, 不過今次外層煎得太燶, 冇第一次咁好食, 而且熱度都唔係好夠, 但都好食!之後薯條都嚟埋, 不得不讚個薯條真係好好味, 外脆內軟, 熱辣辣, 仲好香薯仔味~!食飽正餐之後, 當然要醫埋食甜品個胃啦上次食過蘋果金寶批, 好好味, 今次想翻兜, 可惜賣哂~!所以叫咗個banoffee pie, share食,唔食由自可, 一食不得了! 好好好好好味~!上面嘅 custard cream 好滑, 入面仲有好多香蕉, 下層應該係toffee醬, 成個配搭非常之好~!所以我哋食到一半, 我忍唔住叫多一份, 然後同男朋友一人一件, 再加上一杯flat white, perfect!食到好食嘅食物真係會令人心情愉快一整日!