Video
Read full review
2021-07-28
84 views
真係冇試過食私房菜，難得小妹疫情底下都升職加人工，就帶老媽子出去食返餐勁嘅！餐前三小碟開頭以為係青瓜、雲耳個一類，點知原來係脆豆腐、脆皮雞同麻醬茄子，上枱熱辣辣好惹味，三款小食各有特色都好精緻，豆腐薄皮脆身內滑，雞肉唔肥炸皮出色仲去埋皮質，涼拌茄子最有驚喜，清而鮮嫩。冬蟲草螺頭燉竹絲雞 一上枱已經聞到好濃蟲草味，碗內仲有三大條冬蟲草，肉身肥厚。湯頭勁鮮，超夠火喉！螺頭同竹絲雞相配得宜，雖然係燉料但絕對值得食埋。菜膽燉大排翅一上枱魚翅嘅份量真係嚇親，湯頭鮮、香、甜，咸度剛好，咬落爽彈。魚翅真材實：一絲絲、一條條、一梳梳好足料，目測起碼有四兩，配埋少少菜膽，食落就係好單純嘅清甜味。魚露干煸南非鮑魚鮑魚爽口、大隻、鮮甜！魚露適量所以唔會太鹹。而且上碟嘅時候已經切好晒，方便進食，連鮑魚殼都清洗得非常乾淨，擺盤見用心，放有少量三色椒同翠玉瓜作伴碟令賣相更吸引。蝦球芝士炒蛋白蛋白夠滑亦都夠綿，放係蝦球之下索左啲油更滋味，蝦球彈牙，但略嫌芝士味可以再濃一啲。鮮蟹肉扒蘆筍蟹肉打成羡，鮮甜多汁，亦無丁點碎骨，配上爽口既蘆筍，清清甜甜，為食甜品之前清一清喉嚨。香草燴美國牛肋條喺云云中菜當中加咗一碟西式化嘅
餐前三小碟
開頭以為係青瓜、雲耳個一類，點知原來係脆豆腐、脆皮雞同麻醬茄子，上枱熱辣辣好惹味，三款小食各有特色都好精緻，豆腐薄皮脆身內滑，雞肉唔肥炸皮出色仲去埋皮質，涼拌茄子最有驚喜，清而鮮嫩。
冬蟲草螺頭燉竹絲雞
一上枱已經聞到好濃蟲草味，碗內仲有三大條冬蟲草，肉身肥厚。湯頭勁鮮，超夠火喉！螺頭同竹絲雞相配得宜，雖然係燉料但絕對值得食埋。
菜膽燉大排翅
一上枱魚翅嘅份量真係嚇親，湯頭鮮、香、甜，咸度剛好，咬落爽彈。魚翅真材實：一絲絲、一條條、一梳梳好足料，目測起碼有四兩，配埋少少菜膽，食落就係好單純嘅清甜味。
魚露干煸南非鮑魚
鮑魚爽口、大隻、鮮甜！魚露適量所以唔會太鹹。而且上碟嘅時候已經切好晒，方便進食，連鮑魚殼都清洗得非常乾淨，擺盤見用心，放有少量三色椒同翠玉瓜作伴碟令賣相更吸引。
蝦球芝士炒蛋白
蛋白夠滑亦都夠綿，放係蝦球之下索左啲油更滋味，蝦球彈牙，但略嫌芝士味可以再濃一啲。
鮮蟹肉扒蘆筍
蟹肉打成羡，鮮甜多汁，亦無丁點碎骨，配上爽口既蘆筍，清清甜甜，為食甜品之前清一清喉嚨。
香草燴美國牛肋條
喺云云中菜當中加咗一碟西式化嘅菜式，餐廳處理都不俗。牛肋條肉質淋軟、厚肉、有口感，牛味不太濃，亦略嫌香草可以多少少。
酒香藥膳蒸滑雞
呢啲菜式相信準備時間嘅功夫好足夠，雞肉非常入味，而且相當嫩滑，酒嘅味道大部份已經揮發，但藥膳味保留得相當濃郁，仲滲透左落底下嘅米飯。
甜品
包括芝麻椰汁糕、甜炸雲吞、椰香年糕。第一款芝麻味十足，同椰汁層中間仲夾雜綠豆爽增加口感；炸雲吞皮配上糖粉令成件事好有趣，估唔到可以咁食；外面包裹住一啲類似椰絲咁嘅碎粒，裏面係好有咬口嘅椰香味麻薯，每款都好討人歡喜。
順帶讚吓餐廳嘅色句真係好靚，好古雅！連嘴刁既阿媽大讚，大家不妨可以同長輩嚟試一試！！
Post
