齊柏林熱狗店 (龍門居)

Open Now

Now Closed

齊柏林熱狗第一次接觸佢係聽老公講起，話同事叫外賣返黎食，就算薯條淋左都好好食，因為個醬好好食😂呢日去開龍門居掃街，決定放棄其他小食，個胃只留比齊柏林熱狗叫左個澳式風情熱狗、跟餐要左個細薯條同粟米先試薯條；就好似我頭先所講，好食，雖然拎到返屋企有少少凍左又淋左，但味道仍然出色；個醬應該係茄汁+千島醬再加左少量嘅黃芥末醬而且醬汁好多，食到底都仲有醬👍🏻.澳式風情熱狗好多醬同芝士，拎上手食有重量一改我對熱狗嘅睇法，始終平時食開嘅熱狗實在太hea，一個包加條腸，醬都係自己加，好多時仲要只得茄汁；但呢度唔係；唔同熱狗配唔同配料同腸，仲要火灸埋個面，成件事有誠意左👍🏻