Video
Read full review
2019-04-19
524 views
首先我都幾意外原來柴灣有棟望落幾有格調嘅商廈 而柴門入到去嘅感覺好有藝術氣息。牆身掛滿大大幅嘅油畫，而且有個舞台仔，上面放咗唔同嘅樂器，每逢週五同六夜晚都會有live band演奏，喺柴灣實屬少有。午市menu都有六款主菜揀，其中一款更加係素食添。我嘅朋友揀咗肉眼扒，而我就揀咗用本地有機菜炒成嘅青醬意粉。前菜包括沙律、蘭度豆忌廉湯同蒜蓉包。沙律上嘅新鮮蘑菇配埋黑醋好開胃。蘭度豆常見於中東菜，經常攞嚟煮湯或者咖哩，但係煮食西式嘅忌廉湯就第一次飲啦，味道好濃郁同忌廉好夾。五成熟嘅肉眼扒好juicy，肉面煎得好香，唔多筋。可以配牛肉汁或者芥末一齊食。薯菜係比較健康嘅焗蕃薯，食落都覺得好新鮮有天然嘅甜味。我平時出街食飯好少嗌素菜，但今次都幾有驚喜喎。意粉炒得好香，用嘅係比較粗嘅意粉，幾有咬口。而蔬菜都的確好鮮甜，簡簡單單嘅甜椒、生菜同埋蘑菇，已經令成個青醬更加香。最後當然唔少得加16蚊就食到嘅甜品cheesecake啦～ 自家製嘅cheesecake好軟滑但係仍然好香濃。餅底比較厚身。cake CP值高，絕對值得加錢食。鋪頭係少見嘅藝術形小店絕對值得支持～
牆身掛滿大大幅嘅油畫，而且有個舞台仔，上面放咗唔同嘅樂器，每逢週五同六夜晚都會有live band演奏，喺柴灣實屬少有。
午市menu都有六款主菜揀，其中一款更加係素食添。我嘅朋友揀咗肉眼扒，而我就揀咗用本地有機菜炒成嘅青醬意粉。
前菜包括沙律、蘭度豆忌廉湯同蒜蓉包。
沙律上嘅新鮮蘑菇配埋黑醋好開胃。蘭度豆常見於中東菜，經常攞嚟煮湯或者咖哩，但係煮食西式嘅忌廉湯就第一次飲啦，味道好濃郁同忌廉好夾。
五成熟嘅肉眼扒好juicy，肉面煎得好香，唔多筋。
可以配牛肉汁或者芥末一齊食。薯菜係比較健康嘅焗蕃薯，食落都覺得好新鮮有天然嘅甜味。
我平時出街食飯好少嗌素菜，但今次都幾有驚喜喎。
意粉炒得好香，用嘅係比較粗嘅意粉，幾有咬口。而蔬菜都的確好鮮甜，簡簡單單嘅甜椒、生菜同埋蘑菇，已經令成個青醬更加香。
最後當然唔少得加16蚊就食到嘅甜品cheesecake啦～
自家製嘅cheesecake好軟滑但係仍然好香濃。餅底比較厚身。cake CP值高，絕對值得加錢食。
鋪頭係少見嘅藝術形小店絕對值得支持～
Post
