原味棧 (Closed)

紅磡一向出名多野食😀呢次搵食搵到呢間原味棧😏雖然店鋪唔算大，不過麻雀雖小 五臟俱全👍🏿入到去落左單就會俾啲醬料你自由選擇咁加落去👍🏿乜都齊呀～芫荽豉油蒜蓉辣椒...今次叫左個龍穿鳳😊（胡椒海蝦雞煲）店員建議熟左之後可以再煮耐小小等啲胡椒再入味啲👌🏽呢個胡椒雞煲真係好入味👍🏿啲雞啖啖都食到胡椒味，唔同辣椒，係另一種味蕾刺激🤗而且啲雞都好滑～一啲都唔鞋😏啲鞋都好新鮮好彈牙😍佢呢個算係一個set咁，每位208😀會有埋海鮮拼盤，手切牛肉，野飲任飲，同埋打邊爐配料無限添加😀呢個海鮮拼盤真係不得之了！隻隻上到台都仲識郁！超級新鮮架👍🏿特別大贊佢啲龍蝦真係好鮮甜彈牙😭好好食！真係食到你飽一飽呀！唔夠候既話，啲配料仲可以叫架💛呢個價錢黎講超級抵食呀！正價時段1830-2130 每位208特價時段2130-1130 每位188岩晒啲鐘意食海鮮又要打邊爐既你地😊