Video
Read full review
2019-04-11
511 views
經過灣仔春園街，見到開咗間新餐廳，嗰門口整得幾骨緻，黑白色feel。望吓個餐牌，午餐收費算合理，68蚊起， 除咗主菜，仲包埋餐湯、麵包同埋茶啡。我一向支持小店， 二話不說就衝咗上樓 。上到餐廳，我第一眼就鍾意啦！餐廳玩黑白主題，白牆配黑色手繪圖案， 黑白對比， 好stylish！今日遲咗小小食晏，好彩仲趕到食到個 late lunch。我同個朋友叫咗1個意粉同1個飯, 打算share食。老闆應該係完美主義者，連餐具都用得咁型仔！ 個南瓜湯好飲呀，口感順滑! 我朋友唔食牛，但依家大部份餐廳嘅肉醬都用牛肉， 佢話好無奈！ 今日佢一見到呢個餐牌，就話: 肉醬意粉，i miss u! 超超興奮呀!！用料好足喎，個意粉鋪滿豬肉腸同埋肉醬，再加埋新鮮嘅車厘茄，鮮味十足!我地叫呢個意大利飯純屬好奇， 因為想知道沙嗲醬配佢會出到乜嘢效果？！答案係: 出奇地好食， 雞肉嫩滑，意大利飯嘅煮法配合香港人口味， 唔會好生米，但保留QQ口感， 加埋個沙嗲汁，調味做得好好食! 老闆極力推介鎮店甜品"花見"， 造型好精緻特別！廚師好有心思， "花見"完全發揮到視覺同味覺嘅效果！甜品第一層係將一朵朵食用花鋪係半透明
望吓個餐牌，午餐收費算合理，68蚊起， 除咗主菜，仲包埋餐湯、麵包同埋茶啡。我一向支持小店， 二話不說就衝咗上樓 。
上到餐廳，我第一眼就鍾意啦！餐廳玩黑白主題，白牆配黑色手繪圖案， 黑白對比， 好stylish！
今日遲咗小小食晏，好彩仲趕到食到個 late lunch。我同個朋友叫咗1個意粉同1個飯, 打算share食。
老闆應該係完美主義者，連餐具都用得咁型仔！ 個南瓜湯好飲呀，口感順滑!
南瓜湯
28 views
0 likes
0 comments
我朋友唔食牛，但依家大部份餐廳嘅肉醬都用牛肉， 佢話好無奈！ 今日佢一見到呢個餐牌，就話: 肉醬意粉，i miss u! 超超興奮呀!！
用料好足喎，個意粉鋪滿豬肉腸同埋肉醬，再加埋新鮮嘅車厘茄，鮮味十足!
黑椒豬肉腸配五香豬肉醬蕃茄汁意粉
$88
32 views
0 likes
0 comments
我地叫呢個意大利飯純屬好奇， 因為想知道沙嗲醬配佢會出到乜嘢效果？！
答案係: 出奇地好食， 雞肉嫩滑，意大利飯嘅煮法配合香港人口味， 唔會好生米，但保留QQ口感， 加埋個沙嗲汁，調味做得好好食!
馬來西亞雞絲沙嗲意大利飯
$98
36 views
0 likes
0 comments
老闆極力推介鎮店甜品"花見"， 造型好精緻特別！
花見
$68
49 views
0 likes
0 comments
廚師好有心思， "花見"完全發揮到視覺同味覺嘅效果！
甜品第一層係將一朵朵食用花鋪係半透明嘅大菜糕裏面，非常精緻! 第二層係微甜帶酸嘅檸檬mousse， 味道清爽！
呢度窗多又有露台，好開揚，見到天然光，人都心情靚啲!
老板話周末有做brunch，揾日約埋啲閨蜜嚟打卡兼談心!
Post
