Video
Read full review
2021-06-19
417 views
誰說慶祝一定要吃西餐 同樣價錢其實中餐可以吃得更豐富～～～好多情侶拍拖首選都係食西餐食日本嘢 但係我同大舊就特別鐘愛中餐😊～～～上個星期終於成功置業，為咗好好慶祝一番，我同大舊就揀咗食個豐盛嘅中餐黎慶祝。皇室堡有好多傢俬店，睇完傢俬之後我哋就嚟咗呢間中菜度食晚飯。～～～雖然係食晚飯，我哋都順便睇一睇呢個場所適唔適合擺婚宴，整體冇咩柱位，環境寬闊，唔錯。～～～睇完餐牌之後我哋叫咗 薑蔥大肉蟹 上湯波士頓龍蝦加伊麵 杞子花膠燉雞 清蒸星斑仔 松露香煎帶子皇 脆皮燒腩仔 冇錯你冇睇錯 呢個係兩個人嘅份量～～～叫咗咁多嘢食 total $1388 其實我哋唔係特登計好 不過個數字又幾好意頭 ～～～味道方面 佢哋嘅海鮮非常出色 龍蝦紮實 肉蟹啖啖肉 唔會好空氣 兩款都令人欲罷不能 杞子花膠燉雞湯好大碗 兩個人基本上每人可以飲到三至四碗 味道清甜～～～星班仔亦都非常新鮮 熟度不太過 剛剛好 好鮮味 亦肥美 脆皮燒腩仔脆卜卜 夠香口 而松露香煎帶子皇 就略嫌稍油少少 不過整體味道依然調配得唔錯～～～食完整餐飯之後仲有附送綠豆沙 呢度嘅綠豆沙好多豆 非常足料 沙沙口感 加上唔會好甜 我哋本身好飽 所以
～～～
好多情侶拍拖首選都係食西餐食日本嘢 但係我同大舊就特別鐘愛中餐😊
～～～
上個星期終於成功置業，為咗好好慶祝一番，我同大舊就揀咗食個豐盛嘅中餐黎慶祝。皇室堡有好多傢俬店，睇完傢俬之後我哋就嚟咗呢間中菜度食晚飯。
～～～
雖然係食晚飯，我哋都順便睇一睇呢個場所適唔適合擺婚宴，整體冇咩柱位，環境寬闊，唔錯。
～～～
睇完餐牌之後我哋叫咗 薑蔥大肉蟹 上湯波士頓龍蝦加伊麵 杞子花膠燉雞 清蒸星斑仔 松露香煎帶子皇 脆皮燒腩仔 冇錯你冇睇錯 呢個係兩個人嘅份量
～～～
叫咗咁多嘢食 total $1388 其實我哋唔係特登計好 不過個數字又幾好意頭
～～～
味道方面 佢哋嘅海鮮非常出色 龍蝦紮實 肉蟹啖啖肉 唔會好空氣 兩款都令人欲罷不能 杞子花膠燉雞湯好大碗 兩個人基本上每人可以飲到三至四碗 味道清甜
～～～
星班仔亦都非常新鮮 熟度不太過 剛剛好 好鮮味 亦肥美 脆皮燒腩仔脆卜卜 夠香口 而松露香煎帶子皇 就略嫌稍油少少 不過整體味道依然調配得唔錯
～～～
食完整餐飯之後仲有附送綠豆沙 呢度嘅綠豆沙好多豆 非常足料 沙沙口感 加上唔會好甜 我哋本身好飽 所以淨係叫侍應俾咗一碗我哋 點知食完之後忍唔住encore多碗
～～～
富軒 (銅鑼灣)
銅鑼灣告士打道311號皇室堡6樓
Post
