甜品堂 (Closed)

同兩個朋友食飽飯後想食甜品，於是便到甜品堂一試佢既招牌甜品。餐廳內佈置成間課室咁好得意，同甜品堂個名好MATCH，即時加分! 入去時要等一等，可能FRIDAY NIGHT關係，人好多...我地三個人分別叫左朱古力心太軟、西多士麵包布甸同港式奶茶燉蛋白一齊SHARE食。餐牌上有講明心太軟要等十五分鐘，好彩唔趕時間唧...先嚟左港式奶茶燉蛋白，只見賣相普通，但一食就覺得D蛋白好滑、奶茶好香，奶茶同燉蛋白呢兩樣都係我既至愛，估唔到加埋一齊咁好味，好驚喜，真係要服左店主既創意同心思!跟住嚟既係西多士麵包布甸，見到三舊正正方方既迷你西多士炸到金黃色，面頭仲有個云呢拿雪糕，望見都流晒口水....我地一人一件西多，再"YAM"埋D雪糕一齊食....哇....好正呀! 一舊唔夠喉喎! 下面個布甸唔使講，又係水準之作...唉...總之食飯時唔食咁飽啦!最後終於輪到主角出場 - 心太軟，上枱時只見一件朱古力蛋糕加一舊雪糕，伴碟有幾片士多啤梨同幾粒BLUEBERRIES...好似酒店D甜品...我地用叉叉開左個朱古力，好勁呀，裡面有朱古力漿流出黎喎...果然個心好軟呀...哈哈...朱古力蛋糕唔係得個甜字，