甜品堂 (Closed)

我會記著: 此店的西式甜品係天堂;中式甜品係地獄不过既然主打做HKU students 生意, 我就入鄉隨俗，无谓投诉中式甜品，不如赞下西式甜品，好香好味，而且不贵，师傅係小鮮肉，好多女生喜欢。但上菜慢...

今次同個fd去咗西環搵食。經過依間出面以為補習社(因為英文係classroom。枱櫈都係課室嗰啲)。內裏原來甜品店嘅食店。就吸引咗入去重拾返學感覺。餐牌係校簿同黑板。有少少懷念返學日子。叫咗個西多雪糕面包布丁。一個甜食品到三樣嘢。滿足。西多士好似都新鮮製作熱辣辣。加埋雪糕溶溶吓咁食一凍一熱。雪糕取代了糖漿令西多也有甜甜的效果。面包布丁也做得不錯。幾滑同口感好rich。味道都不錯紫薯心太軟。唔係度度有。個色勁靚。食落好有薯味。好足料。啲流心充滿紫薯蓉。配雪糕食又係一流總結係一間有心思嘅甜品店(不論裝修同甜品)。甜品款式都幾多。味道賣相都不錯。

昨晚11時許與友人吃了紫薯心太軟及Apple crumble. 一心諗住食過ok, 但點知咁就中伏。首先想叫果樣無果樣，難得叫到樣想食而仲有貨的，但請各讀者看看圖中這個中間塌陷、旁邊早已裂開兼漏緊紫心既心太軟。這是一上菜既樣，我地碰都無碰過，同menu 及過往經驗差太遠，真失望。至於個Apple crumble, 賣相ok, 今次相就無影，但食落牛油味過重，唉!真可惜！唔通，小店一定唔可以保持水準，命中注定一定要被淘汰？

前排同咗木先生去咗西環食野，食飽之後想食個甜品，一邊行一邊搵下有無啱嘅甜品品。我地被佢課室嘅裝修吸引到入去試下，枱上有本手冊本手冊其實係一本Menu, 裝修令我有回到返學時嘅感覺我地影咗一陣相先決定食咩我地見到隔鵻枱個綠茶心太軟好似不錯，所以都點咗一個試下，但個心太軟不太熱，有d失望，個士多啤梨雪榚ok。我地食食下被通知，原來有每人有最低消費，要點兩個甜品先夠，但望咗個menu好耐先決定到點多個pancake 雪糕，個pancake 味道好普通，雪糕都ok。

又是被其舖面裝修吸引，但今次有些中伏的感覺😵舖面設計如回到小時候，也許是中學，也許是小學黑板上的menu也畫得很美也有壁報板menu也像小學時常用的簿仔，很特別內裡的設計也精美芝麻糊真的很糊，似用粉開的😵綠茶心太軟配紅豆雪糕，心太軟有些燶，心不再軟，也不流心😵餐廳有特別的裝修的確可以客人進去，但食物質量及美味才是留住客人的重要原素，希望餐廳能有所改善

網上看到這家的甜品賣相吸引，尤其是我最愛的紫薯系列甜品。從相片上看到紫薯心太軟，未見真身已教我垂涎三尺，所以這次便相約同是紫薯控的朋友一起去朝聖。 甜品店在斜路上，我們也花了一些時間才能找到。因為在斜路上，在電車路下車後，需要像爬山一樣走過一段頗陡峭的坡路才能到達，還是建議大家坐地鐵去呢。終於到了甜品店。店外是黃色外墻，很奪目，一定不會入錯店。來之前，不知道為什麼這裡要叫甜品堂。入到店內，看到裡面的裝修及陳設後，就恍然大悟了。 店內有黑板，壁報板、練習簿……最令人發笑的是，這裡的桌子和椅子是中小學學校會用的書桌和櫈。黑板上寫的不是筆記，不是講義，而是甜品照。賣相吸引的甜品被貼堂了，哈哈！ 我跟朋友點了紫薯心太軟和瘋狂朱古力。等待甜品期間，我們都對那本樣子特別的MENU研究一番。MENU像練習簿一樣，外皮黃色，封面印上了「甜品堂」三字的標誌，彷如「校徽」一樣，而封底就是印著九因歌，哈哈，令人不期然想起讀書年代。 紫薯心太軟($45) 店員說這是即叫即做，所以我們十分期待。來到時，看到它的紫色貴氣十足，令我們口水直流，急不及待地刺穿它，令它的紫薯流心餡可以湧出來…… 心太軟溫度適

以校園環境佈置，入面有黑板同學校台凳，但除此之外其實冇乜校院氣息。😆😆餐牌: 選擇幾多，而且有好多自創甜品，啱晒鍾意試新嘢嘅人!我地嗌咗4款，每款外型同味道都唔錯!瘋狂朱古力 $45有brownies, 布丁同雪糕，brownies一般般，有啲乾，但布丁同雪糕唔錯，朱古力味好濃郁!芒果王國$40布丁幾滑，芒果都算甜，雪糕好creamy好有芒果味，唔錯!左邊: 抹茶心太軟配紅豆雪糕 $45 (3粒星)本身好鍾意綠茶，但呢個抹茶心太軟一般般，味道係 咸+甜+甘 嘅混合，裏面嘅抹茶流心亦太水狀，唯一唔錯嘅係紅豆雪糕。右邊: 紫薯心太軟伴雲尼嗱雪糕 $45 (5粒星)紫薯心太軟有驚喜，又靚又好食，紫薯味濃，流心嘅濃稠度啱啱好，同雲尼嗱雪糕亦好夾，唔會搶味!試咗呢度咁多款雪糕都好好味，味道濃郁，而且好creamy!

食完新潮tapas之後, 仲想同啲朋友傾下計, 上網就搵到呢間甜品店喇。甜品店以校園為主題, 座位係學校嘅枱同凳, 仲有個黑板喺牆上做menu, 寫左有啲咩推介。裝修都幾得意。menu外表係以前讀書時嘅單行簿, 貫切呢度嘅主題。Tiramisu: 賣相好得意, 好似一座小山丘。食落味道唔錯, 甜味啱啱好, 咖啡味都香濃, 唯一美中不足係雪得太硬喇, 食到中心時, 好冰凍, 影響左成個甜品嘅口感。綠茶心太軟配紅豆雪糕: 熱辣辣上碟, 切落去見到啲綠茶漿流緊出黎, 好滿意, 收貨。趁熱食, 綠茶味唔算濃, 甜味適中。作為綠茶控嘅我會認為唔夠綠茶味, 我比較鍾意帶有甘味啲綠茶甜品。紅豆雪糕紅豆味都足夠, 唔太甜, 配埋心太軟一齊食, 冰火口感, 正。麻糬窩夫配雪糕: 賣相唔錯, 叫呢個窩夫完全比麻糬呢2個字吸引。窩夫淋上糖漿, 單食都唔錯, 窩夫軟身, 面滿滿麻糬, 食落好QQ, 都好滿足。士多啤梨味雪糕同雲尼拿雪糕都唔錯, 仲有少少生果食! 如果窩夫係脆身就更好~

喺西環食完晚飯，梗係要去這裏最好的甜品店再下一城！我最喜歡的甜品就是tiramisu, 當然不用想便點了。不知是否天氣凍的緣故，今次有點失望，整個tiramisu有點過硬，cream的部分好像食雪糕似的，海綿蛋糕的部份結了冰一樣，希望只是今次失手，而不是他們的質素下降朋友則點了新出的紫薯心太軟，即時新鮮製作所以我們都梗頸以待了很久。紫薯心太軟的賣相非常吸引，色彩艷麗，紫薯的味道相當濃郁，可惜不知道是紫薯的質地不能做到流心，還是焗得太久沒有心太軟一樣的效果

係西營盤食完晚飯，跟住喺附近食甜品，一入到去好似返咗學校咁，張枱係用學校嘅書枱，又用黑板寫上甜品，menu 都設計成手冊咁，幾得意.我哋一行四人每人叫咗五款share嚟食，每樣價錢都係＄45. 餐牌小學雞，啲甜品更加小學雞我自己本身好鍾意食甜野，但啲質素真係差到我都唔想食，浪費我嘅quota，海鹽pancake無鹽味，西多士係軟林林，綠茶蛋糕係咸嘅，朱古力牛角包有蘑菇味，另外果樣我都完全食唔出係咩黎食，份量又小，但我哋四個人都唔想食食唔晒

高街搵食係對面BBQ xxxxxx食完串燒太熱氣 過對面食返個甜品下火這裡的裝修特別好似返左中學時代餐牌亦同手冊一樣甜品選擇算多有傳統糖水亦有雪花冰一行3人都揀左雪花冰分別係 朱古力 芒果 榴連味先來榴連味本人不喜歡榴連但友人的評價很好榴連味強 味道亦不淡芒果味果味少 好甜 雪糕一般朱古力味一般 味偏淡 雪糕都係整體合格35知己飯後傾計的地方地方不算大但勝在唔趕你走聚腳一流

我們在附近的餐廳做節（中秋），對於小朋友來說，最開心的是可以吃到甜品。所以大人們是為了孩子而來的。我對甜品的興趣實屬一般，而且不得不顧及年紀和身體，真的不敢常吃糖份較高的食物了，所以還是較愛中式甜品，是以就點了芝麻糊，姨甥們就點了三球雪糕和木槺蛋糕。三球蛋糕來的時候有點驚訝，因為三球朱古力都挺大，而三個雪糕球的味道都不一樣，有濃濃的朱古力、咖啡及阿華田的味道，旁邊還加入了朱古力餅乾及威化，孩子們雖然很興奮，也嚷著要一個人吃完，但因為咖啡味很濃而沒有讓他們吃太多，而且他們也吃不下，到底還是大人們吃罷。這些東西還是不能一人獨享的。木槺蛋糕的奶味十分濃烈，所以比較膩，而且忌廉十分膠口，因此也是不能一下子吃罷一個的。整體來說，食物的外觀不錯，很精緻，味道也不俗。服務方面，我們一桌子人擾擾攘攘，孩子們也七嘴八舌，所以侍應們漏了單，最後一個甜品等了大半個小時。裝修方面，它是以學校的課室為佈置，就像是上課那樣的模樣，這是一大特色，連餐牌都是印在模仿學生的功課簿。也許因為是週五晚上，來的人很多，因此很多人在等，我們也不好意思待太久了。

荔枝xxx（忘左名字）整體味道偏淡，西米跟其他地方吃到的不一樣，口感很脆。冰激凌化了之後帶上荔枝味道最棒。抹茶綿綿冰非常綿密，抹茶味不是很甜的那種，紅豆再多些就好了。

超級燶及硬的Brownies,朱古力pudding冇朱古力味，紫薯心太軟冇味兼唔熟，係屋企煲舊紫薯都仲好食過佢！apple crumble d 粉漿未熟😑一個字：差！

快十一点摸到这吃点东西，正好把一把硬币用出去，多谢店家收了30的2元，怪不好意思的ヾ(´▽｀;)ゝ要的是雪糕西多士，实际上是雪糕西多士烘蛋。现做的，做的时候就闻到一阵奶香，第一口雪糕也很醇。但是由于三种材料的性质和位置关系，只能一种一种的吃。想把多士和雪糕一起吃，却把雪糕叉到了蛋上，蛋是热的，不一会儿就化了好多。最后是先吃了两块多士，又吃了和着半融雪糕的烘蛋，最后两口有些腻了。或许还有下次试试紫薯心太软。