Video
Read full review
2023-05-17
165 views
調景嶺美食沙漠之中開左間新餐廳，成個月都仲係人頭湧湧，俾左好大信心我去試，估唔到真係好食，值得再去。極品美國牛小排真係值回票價，薄切但係食到肉味好鮮，柔軟幼嫩。 肥膏唔多，平時食肥牛我會咬返好多肥肉出嚟，但呢個牛小排我可以好放心咁一啖食晒。 叫咗好幾round，質素都keep到同第一轉差唔多，食得好過癮。SPF美國和牛我覺得都係好唔錯嘅選擇，平時揀次一個等級，會有種為咗慳錢而忍辱負重嘅感覺，但真心覺得美國和牛lv都唔輸蝕，比起牛涮鍋嘅中價牛好食好多，性價比好高。美國IBP牛板腱瘦啲牛味濃啲，大大塊個滿足感都幾大，但如果打邊爐係為咗狂食肥牛嘅話，揀返美國和牛起跳會好啲。美國極上黑豚肉好柔軟，淥得耐都仲係好腍，有肉味。雞肉平時打邊爐都少食，純粹因為第一轉佢送埋嚟所以試吓。 估唔到有啲驚喜，放咗好耐唔理佢都有彈性有肉汁，重點係真係食到雞味。蟹籽墨魚滑幾彈牙，有encore到。 扇貝都幾新鮮，洗得乾淨，比起一般急凍帶子鮮甜。黃金花枝棗甜甜地、煙煙韌韌幾惹味，食到台灣嘅味道。 海蝦同翡翠螺不過不失，勝在選擇幾多咁，中常水準，但主力都係食肉開心啲。七味炸雞翼係新鮮炸出黎，外脆內嫩，有肉汁，睇黎炸野
極品美國牛小排真係值回票價，薄切但係食到肉味好鮮，柔軟幼嫩。 肥膏唔多，平時食肥牛我會咬返好多肥肉出嚟，但呢個牛小排我可以好放心咁一啖食晒。 叫咗好幾round，質素都keep到同第一轉差唔多，食得好過癮。
SPF美國和牛我覺得都係好唔錯嘅選擇，平時揀次一個等級，會有種為咗慳錢而忍辱負重嘅感覺，但真心覺得美國和牛lv都唔輸蝕，比起牛涮鍋嘅中價牛好食好多，性價比好高。
美國IBP牛板腱瘦啲牛味濃啲，大大塊個滿足感都幾大，但如果打邊爐係為咗狂食肥牛嘅話，揀返美國和牛起跳會好啲。
美國極上黑豚肉好柔軟，淥得耐都仲係好腍，有肉味。
雞肉平時打邊爐都少食，純粹因為第一轉佢送埋嚟所以試吓。 估唔到有啲驚喜，放咗好耐唔理佢都有彈性有肉汁，重點係真係食到雞味。
蟹籽墨魚滑幾彈牙，有encore到。 扇貝都幾新鮮，洗得乾淨，比起一般急凍帶子鮮甜。
黃金花枝棗甜甜地、煙煙韌韌幾惹味，食到台灣嘅味道。 海蝦同翡翠螺不過不失，勝在選擇幾多咁，中常水準，但主力都係食肉開心啲。
七味炸雞翼係新鮮炸出黎，外脆內嫩，有肉汁，睇黎炸野水準都高。
Post
