福源川香閣

Open Now

Now Closed

年廿八，由於聽日返半日就放工，所以部門提早食飯。又因為拎左公司獎金，所以今餐請客。同事話要辣，阿姐就話黎呢度。灣仔，好似越來越多食辣的餐廳。今日來的這間是其一。店今年年頭開，阿姐話已經黎左幾次，當然阿姐點菜。今餐都豐富，有酸菜魚(我想食水煮魚多d，next time la)、火爆腰花、農家大碗花菜、酸豆角炒肉碎、青筍片炒木耳、紅糖糍粑、酒糟小湯丸。酸菜魚，碗好大，嚇左一跳，魚份量都多(我地點左大份)。味道ok呀，湯酸酸辣辣的，好開胃。不過同其他店的差不多，冇乜驚喜。我見餐牌有水煮魚，用的是耗兒魚，唔知好唔好味，下次一定要試。大碗花菜同青筍炒木耳，中和一下食辣的味蕾，特別喜歡青筍片，好fresh。炒肉碎同火爆腰花，不過不失，腰花夠爽口，但兩碟略嫌不夠辣。特別要推薦的是紅糖糍粑，要襯熱食，估唔到來到食辣野的店，最印象深刻的是這道甜食，煙靭的口感加上紅糖，一試難忘。可惜每人得一件，真係少吃多滋味。酒糟丸子，就一般了，食完冇乜印象。這店其實都算ok，坐得幾舒服；至於食物，不過不失，如果佢再辣d就更好。不過今餐點的都不算是表現佢辣的一面，俾多次機會佢，下次再食番佢麻辣的菜式。