印度皇

Open Now

Now Closed

印度咖哩呢家野我响英國食得多，大家千祈唔好以為，响英國邊有可能食到印度咖哩嘅真諦。的確响英國，混水摸魚嘅印度菜館多的是，不過地道風味嘅亦唔少, 亦試過唔少印籍同學嘅手藝。雖然印度咖哩唔係我嘅大好，不過我都幾鍾意佢哋啲咖哩夠多蔬菜，味道又多選擇。恆河咖哩屋响香港好食出哂名，但係我就覺得佢啲口味越黎越香港，咖哩種類又雜亂，可能因為米芝蓮大廚已經另起爐灶，風味大不如前。印度皇位於信德對面，當日客人都以印籍為主，可算係信心保證吧。我同啲人兩口子，唔想食太多野，點咗個小食，兩個咖哩同一份包。Samosa - 餡料有蔬菜薯仔，不過唔係咖哩餡，但係皮算薄，餡多，味道好。Beef tongue Masala - 牛脷有啲羶，唔夠稔，蕃茄味都足，香料味可以濃啲。Chicken Saag - 菠菜咖哩雞，味道不錯，好濃嘅菠菜，雞肉唔鞋，餸飯蘸包一流。唔好怪佢賣相麻麻，其實極具風味。Garlic Naan - 個包就差啲，冇咩蒜香，唔夠彈性。總括，此店都算係似模似樣，$9X 一碟咖哩唔算平，不過夠大份所以都ok，味道一般，夾埋野飲( 椰青，青檸梳打)，兩人連加一承惠$350，價錢同貨色尚可接受。會唔會再試呢