Video
Read full review
2016-04-24
272 views
今日男朋友就話帶我嚟諾士佛壹食好野，我就問足佢成日～「吓？！你帶我去飲野呀？你咁熟路熟行以前成日去啦實係-_-#」終於嘈足成日，佢就帶咗我去係諾士佛臺1號嘅大廈。係𨋢到個時仲笑笑口咁話「傻妹！我帶你去食韓國野呀kakaka！」嚇足小妹一日～算佢有小小心思驚喜啦！一出𨋢就見到「暴風吸入」呢個大名，好特別嘅名呢@@ 原來係韓國人開嘅餐廳嚟，個場都好大下咖，樓底又夠哂高！位置好闊落，坐得夠舒服。店家全部請嘅都係韓國人，唔講真係以為自己去咗韓國呀！佢地呢到有個幾抵食嘅二人set，但男朋友帶我嚟，我就梗係唔客氣啦！要咗特級牛肉眼，特級五花腩，海鮮韭菜餅同埋烤蝦。仲叫咗支米酒！一嚟就會每人比一個好似便當盒咁嘅野，裏面有一啲醃製嘅酸瓜，好爽口又新鮮。另外有幾種用嚟點燒肉嘅醬料，有燒肉汁，咖哩鹽同芥末，幾特別。另外仲有醃洋蔥，食法真係跟足韓國傳統呢！佢地嘅配料超級豐富！我地點完餐，侍應就會過嚟放好配料落鐵板到。呢到用嘅係長方型鐵板，向其中一邊斜小小，等啲油唔會留咗係鐵版痴住食物。配料包括咗雞脾菇，南瓜，洋蔥，菠蘿，仲有薯仔。有一樣好特別嘅係佢地會用打一隻蛋落個厚洋蔥圈到，再加上芝士放係到燒，做成蛋餅，
「吓？！你帶我去飲野呀？你咁熟路熟行以前成日去啦實係-_-#」
終於嘈足成日，佢就帶咗我去係諾士佛臺1號嘅大廈。
係𨋢到個時仲笑笑口咁話
「傻妹！我帶你去食韓國野呀kakaka！」
嚇足小妹一日～算佢有小小心思驚喜啦！
一出𨋢就見到「暴風吸入」呢個大名，好特別嘅名呢@@
原來係韓國人開嘅餐廳嚟，個場都好大下咖，樓底又夠哂高！位置好闊落，坐得夠舒服。
店家全部請嘅都係韓國人，唔講真係以為自己去咗韓國呀！佢地呢到有個幾抵食嘅二人set，但男朋友帶我嚟，我就梗係唔客氣啦！
要咗特級牛肉眼，特級五花腩，海鮮韭菜餅同埋烤蝦。仲叫咗支米酒！
一嚟就會每人比一個好似便當盒咁嘅野，裏面有一啲醃製嘅酸瓜，好爽口又新鮮。
另外有幾種用嚟點燒肉嘅醬料，有燒肉汁，咖哩鹽同芥末，幾特別。另外仲有醃洋蔥，食法真係跟足韓國傳統呢！
佢地嘅配料超級豐富！
我地點完餐，侍應就會過嚟放好配料落鐵板到。
呢到用嘅係長方型鐵板，向其中一邊斜小小，等啲油唔會留咗係鐵版痴住食物。配料包括咗雞脾菇，南瓜，洋蔥，菠蘿，仲有薯仔。
有一樣好特別嘅係佢地會用打一隻蛋落個厚洋蔥圈到，再加上芝士放係到燒，做成蛋餅，好特別！
另外泡菜有兩種，有最普通嘅辣泡菜，另外嘅係辣韭菜。兩種泡菜都好新鮮，咬落好爽口。唔會太辣，好明顯係就咗香港人嘅口味，酸酸辣辣咁好開胃。
我地全程都唔使自己落手燒野食，侍應會好細心。
經常過嚟睇下我地食成點，逐樣食物幫我地燒好再放上鐵板上嘅架等我地慢慢食。
佢地見到我地食完泡菜，仲會不斷係咁加比我地，超級細心！
首先燒嘅係特級牛肉眼。
肉眼份量兩個人分岩岩好，一路燒，侍應會幫我地剪成細細舊。佢地燒得好專業咖，會拎住火槍燒到着哂火，燒到啲肉外面好焦香，又有火口！
牛肉肉味濃郁，燒嘅過程鎖住咗肉汁，唔會韌。
肉質粉嫩，帶有小小嘅脂肪，有淡淡嘅油香係口中！用生菜包住其他配料一齊食非常夾，而且又健康啲，無咁熱氣！
然後嚟嘅係特級五花腩
繼續食殘廢餐xd同樣侍應幫我地剪好細細舊會。五花腩脂肪比肉眼多，但因為用咗猛火燒，會逼出油脂。
五花腩嘅皮同脂肪位會燒得好香脆，一啲都唔肥。而且肉味好香，我覺得好食過牛仲！
烤蝦
一份有四隻，蝦大隻又厚肉。
原來會配埋牛油嚟燒嘅係，加咗牛油好香，更加帶出蝦嘅鮮味。
燒到咁上下，佢地會切開蝦頭同蝦身，將蝦頭都燒得香脆。食落有小小蝦膏，蝦頭已經燒到好脆，又有膏嘅甘香，好正！
蝦身肉質彈牙，啖啖肉，肉身唔會痴殻！
仲有嘅就係海鮮韭菜餅。
好大個，分咗八件。用咗大量嘅韭菜，而海鮮就係蝦。呢個餅外面燒得好香脆，內裏就比較煙韌。
唔會食到成口都係粉，配埋附上嘅醬料更加好食。
不過都幾大份，建議四個人share會比較好。
原來仲會送一個辣豆腐湯！
湯熱辣辣，味道幾鮮甜，唔會太辣。用嚟送飯嘅話真係無得輸，不過太多野食，我地就咁飲，但都已經好正！
米酒
都係循例用上鐵碗盛住飲，冰凍解渴！甜甜地幾易入口，食韓國野必備啦！
我地兩個都中意飲酒麻xd xd
無估到呢一間韓國野會咁好食，一嚟服務又好，又坐得舒服！其實我地個日仲見到江美儀係到食呀！好明顯呢到嘅出品有番咁上下啦！
我地食得咁豐富，都係八百左右，價錢都好合理。
Post
