Video
Read full review
2023-02-04
79 views
呢間泰國餐廳原本係灣仔，舊同事食過覺得出色，知佢搬走黎深水埗（小編的生活圈），特別推介左比小編～環境餐廳以走廊為分界，一邊係開放式廚房連吧枱，另一邊係客枱。鋪頭唔算大，但坐位空間都足夠。食物1. 彩虹湯呢個湯小編都係第一次見，係甜酸做主導，十分開胃。配料有魚片、魚蛋，豬紅、生菜等。豬紅唔腥，小編平時唔食豬紅既都食左幾件。喜歡甜食的應該都會鍾意。一份約有4-6碗。2.泰式豬腳豬腳賣相十分吸引，伴以新鮮芥蘭，一解膩口既感覺。豬腳皮有咬口唔油膩夾完又夾，豬腳肉都唔鞋口好冧。3.泰式炒金邊粉Pad Thai 有各種唔同質感既配料，炸蒜、魚乾、生洋蔥、芽菜，口感十分豐富，味道都係偏甜，加埋青檸更加惹味。4.魚肚羹呢個係老闆娘送架，因為小編同行朋友唔敢叫魚肚，怕腥，老闆娘聽到就請我地試下。唔試由自何，一試笑呵呵。魚肚完全唔腥，比想像中好味。小編覺得好味過彩虹湯。呢個羹好滑，質感似碗仔翅，配料有香菇、生菜、魚肚、豬紅等。食既時候配少少白醋會更有層次。5. 章魚沙律新鮮章魚涼拌各樣菜的沙律，味道清爽，有少少辣，但好過癮，上面啲粉係廚師哥哥即磨既糯米粉，佢話有解辣作用，小編表示感受唔到，反而係增強左口感
環境
餐廳以走廊為分界，一邊係開放式廚房連吧枱，另一邊係客枱。鋪頭唔算大，但坐位空間都足夠。
食物
1. 彩虹湯
呢個湯小編都係第一次見，係甜酸做主導，十分開胃。配料有魚片、魚蛋，豬紅、生菜等。豬紅唔腥，小編平時唔食豬紅既都食左幾件。喜歡甜食的應該都會鍾意。一份約有4-6碗。
2.泰式豬腳
豬腳賣相十分吸引，伴以新鮮芥蘭，一解膩口既感覺。豬腳皮有咬口唔油膩夾完又夾，豬腳肉都唔鞋口好冧。
3.泰式炒金邊粉
Pad Thai 有各種唔同質感既配料，炸蒜、魚乾、生洋蔥、芽菜，口感十分豐富，味道都係偏甜，加埋青檸更加惹味。
4.魚肚羹
呢個係老闆娘送架，因為小編同行朋友唔敢叫魚肚，怕腥，老闆娘聽到就請我地試下。唔試由自何，一試笑呵呵。
魚肚完全唔腥，比想像中好味。小編覺得好味過彩虹湯。呢個羹好滑，質感似碗仔翅，配料有香菇、生菜、魚肚、豬紅等。食既時候配少少白醋會更有層次。
5. 章魚沙律
新鮮章魚涼拌各樣菜的沙律，味道清爽，有少少辣，但好過癮，上面啲粉係廚師哥哥即磨既糯米粉，佢話有解辣作用，小編表示感受唔到，反而係增強左口感。
服務
老闆娘同廚師都係泰國人，但係識講廣東話，同客會溝通，非常Nice，仲送野比我地食，感激
Post
