譚仔三哥米線 (Closed)

機場食野貴就出晒名架啦！難得譚仔依然貼地，只係輕輕加少少，都算唔話得我當然叫番我嘅最愛-過橋米線套餐（4小辣）（$50），貪佢樣樣都有嘛！一碗有齊豬肉、牛肉、雞肉等17齊材料，份量足夠2個人食到好飽，係機場$50嚟講，真係好抵！👍🏻另外仲叫左大土匪雞翼，$30有5隻。最鍾意佢地嘅黑芝麻同孜然味，係第到真係食唔到。而且烤得鬆脆入味，咬落去仲會有少少雞油滲出，正因為平時公司隔離果間係譚仔，唔係三哥譚仔。雖然兩者味道好似，但我發覺三哥用嘅食材同米線質地都較譚仔好，如果下次有得㨂，我諗我都會揀三哥