Video
Read full review
2010-06-14
24 views
星期日下晝兩點幾, 又潮濕又翳焗.. 唔想去太遠.. 扛算近近地.. 記得紅磡最近又有兩間新食店, 一間響郁香園隔離食pasta, 另一間就係呢間. 因為巴士落得近嘅關係, 我就試左蒙麵喇..一入去, 地方光猛企埋.. 車仔麵黎講數一數二乾淨少雜物(可能新). 撞正下午茶時段.. 兩餸麵連雞翼, 或者三餸麵 都係 $20碗, 送豆漿... 湯底又有得轉冬蔭公 或者蕃茄薯仔.. 卒之點左... 三餸麵 (蘿蔔, 豬手, 牛根, 油麵) + 豆漿 ...$20 兩餸麵 (鳳爪, 炸魚餅, 米線) + 2pcs 香草雞翼 + 豆漿 ...$20 + $3 轉蕃茄湯底 叉燒一串 ...$8 麻辣雞翼三件 ...$10三餸麵入面, 牛根份量勁多, 夠淋又入味. 蘿蔔清甜冇渣, 豬手夠淋但係可以再炆耐d入味d 仲好.. 油麵正常質地... 豆漿細細杯, 不過勝在夠凍, 正! 兩餸麵轉左蕃茄"濃"湯底. 其實即係蕃茄薯仔湯. 味道不至於濃湯, 但做湯底夠哂味. 又有幾舊蕃茄薯仔做餸. 最正係食唔出落左師傅. 可以(夠膽)飲哂嘅車仔麵湯底都係第一次. 入面d 鳳爪同豬手一樣都淋, 不過又係可以
一入去, 地方光猛企埋.. 車仔麵黎講數一數二乾淨少雜物(可能新). 撞正下午茶時段.. 兩餸麵連雞翼, 或者三餸麵 都係 $20碗, 送豆漿... 湯底又有得轉冬蔭公 或者蕃茄薯仔.. 卒之點左...
三餸麵 (蘿蔔, 豬手, 牛根, 油麵) + 豆漿 ...$20
兩餸麵 (鳳爪, 炸魚餅, 米線) + 2pcs 香草雞翼 + 豆漿 ...$20 + $3 轉蕃茄湯底
叉燒一串 ...$8
麻辣雞翼三件 ...$10
三餸麵入面, 牛根份量勁多, 夠淋又入味. 蘿蔔清甜冇渣, 豬手夠淋但係可以再炆耐d入味d 仲好.. 油麵正常質地... 豆漿細細杯, 不過勝在夠凍, 正!
兩餸麵轉左蕃茄"濃"湯底. 其實即係蕃茄薯仔湯. 味道不至於濃湯, 但做湯底夠哂味. 又有幾舊蕃茄薯仔做餸. 最正係食唔出落左師傅. 可以(夠膽)飲哂嘅車仔麵湯底都係第一次. 入面d 鳳爪同豬手一樣都淋, 不過又係可以炆耐d 更好. 炸魚餅一睇個樣就似四洲旗下工廠出品. 食落竟然有d 意想不到! 充滿香茅味, 同平時去食越南野食散叫炸魚餅, 蝦餅一樣咁香口. 意外驚喜 ~
香草雞翼燒得香, 皮脆微焦.. 唔夠喉叫多3隻, 試麻辣雞翼. 燒得又脆, 孜然味又香. 可惜麻辣粉落得重手左d... 越食越麻... 對我黎講, 輕手一點較好.
Menu上叉燒串係推介野, 所以都點埋. 蜜汁夠多配上燶邊叉燒, 又真係幾好食~
整體水準係以平價車仔麵黎講, 屬中上, 加上地方乾淨整潔坐得舒服, 一定會再去幫襯
p.s. 見到佢個名, 就不期然諗起幪面超人(我係RX年代), 變身!!
Post
