醉標無骨海南雞

Open Now

Now Closed

相隔上次貼文，已有半年時間，今次路過，見到佢哋多咗嘢賣，又魚蛋又燒賣咁，應該生意唔夠做，要賣多啲嘢拉上補下啦！見到佢哋飯款多咗一樣，臘味飯，於是叫嚟試下，但佢哋居然話冇臘味，既然係咁，係唔係應該貼張紙出嚟話停售，而唔係擺起度變相呃人呢？既然無臘味，咁試返個豬手飯啦！價錢依舊係$34，但之前有送湯，依家冇，即係變相加咗價。先講個湯，可能係擺咗一輪先至食嘅關係，個湯凍咗，飲落味道冇之前咁甜，椰子香味亦無之前咁濃。至於豬手呢，皮依舊稔滑，但啲肉依舊偏硬，唔係我杯茶。呢間店有個好處係接受多種電子支付方式，方便唔同客人。