隨變火鍋

Open Now

Now Closed

又係時候約朋友食雞煲打邊爐，位於銅鑼灣鵝頸橋附近嘅登龍街 V point《隨變火鍋》有雞煲食。食店位於高層，落地玻璃望到靚景，地方闊落坐得舒適，有兩間廂房，良朋歡聚一樂也，發現唔少外國人到訪幫襯中國菜。乾鍋火鍋雞煲選擇豐富，也有刺身串燒，呢度除咗可以食乾鍋+打邊爐，仲有麻辣雞煲+火鍋。麻辣雞煲(小辣)~小辣程度都算辣，店員好細心，驚我哋唔食得太辣，建議嗌咗小辣先，唔夠可以再加辣湯，果然越食越辣，加清湯也可。滾起之後打開蓋就食得，雞肉嫩滑，配菜包括中芹、洋蔥、芫茜、京蔥等等， 四川麻辣口味，少少麻多多辣。四寶餃子拼盤~兩個人一次過試曬四款餃子，多心啲貪心啲都無難度，魚皮餃、韭菜餃、芹菜木耳餃及雲吞王， 各有特色，魚皮餃夠煙韌，韭菜餃夠可口，雲吞王大蝦好彈牙。新鮮有膏鵝腸~第一次食到咁新鮮嘅鵝腸，連埋膏，勁肥美，真係好爽滑，淥一淥就食得，正！炸魚皮~份量認真大，件件香口件件脆卜卜。隨便粉~好細心，提供筲箕驚佢走失，淥一陣變透明就食得，掛滿麻辣雞汁非常美味。叫咗杯1664生啤~自助醬料區~辣椒、蒜蓉、芫茜、香蔥等等。