Video
Read full review
2024-08-19
885 views
《🌟推介😋晴晴港飲港食 #misshcfoodie》最近同屋企人搵咗間正宗順德私房菜食，大家食完都讚不絕口🤩 呢間私房菜位於灣仔，位置都近地鐵站算方便🤨餐廳空間幾大仲有獨立房適合私人聚會，最重要係嘢食真係好出色！◆粉葛鯪魚赤小豆煲豬踭湯（需預訂）$688👍 招牌菜果然名不虛傳😮睇價錢可能嚇一嚇，但見到個湯渣都知道有幾足料😌用咗一大條鯪魚、粉葛、赤小豆、豬展、豬踭肉、豬橫脷、豬小腸等豐富材料煲成濃郁嘅精華，每一碗都好鮮甜😍而且赤小豆有袪濕功能啱唒宜家濕熱天氣，湯渣仲可以慢慢食◆冰鎮鮑魚$98/隻 拼青芥冰燒雞 $368/半隻👍原隻鮑魚肥美肉厚，食落有嚼勁🤩仲可以配秘製wasabi醬油提鮮😋 不嬲鍾意食手撕雞，所以呢碟冰燒雞完全係我嘅菜😚加咗青瓜絲、薑絲、海蜇、芝麻，最特別係個底仲有炸芋頭絲脆卜卜好有口感🤩味道酸酸甜甜真係好開胃◆鑲鑽黃金蝦 $98/隻👍呢個黃金蝦又係我至愛係我好中意嘅鹹蛋黃😍 選用大大隻嘅大蝦🍤炸到金黃色賣相出眾，而且係用燕麥碎炸，食落好有咬口😦蝦頭仲食到蝦膏，鹹香味十足，又唔會太油膩◆薑蔥焗美國桶蠔 $78/隻啲蠔都幾大隻啖啖肉，用薑蔥焗好惹味◆順德焗魚腸 $218第一
最近同屋企人搵咗間正宗順德私房菜食，大家食完都讚不絕口🤩 呢間私房菜位於灣仔，位置都近地鐵站算方便🤨餐廳空間幾大仲有獨立房適合私人聚會，最重要係嘢食真係好出色！
◆粉葛鯪魚赤小豆煲豬踭湯（需預訂）$688👍
招牌菜果然名不虛傳😮睇價錢可能嚇一嚇，但見到個湯渣都知道有幾足料😌用咗一大條鯪魚、粉葛、赤小豆、豬展、豬踭肉、豬橫脷、豬小腸等豐富材料煲成濃郁嘅精華，每一碗都好鮮甜😍而且赤小豆有袪濕功能啱唒宜家濕熱天氣，湯渣仲可以慢慢食
◆冰鎮鮑魚$98/隻 拼青芥冰燒雞 $368/半隻👍
原隻鮑魚肥美肉厚，食落有嚼勁🤩仲可以配秘製wasabi醬油提鮮😋 不嬲鍾意食手撕雞，所以呢碟冰燒雞完全係我嘅菜😚加咗青瓜絲、薑絲、海蜇、芝麻，最特別係個底仲有炸芋頭絲脆卜卜好有口感🤩味道酸酸甜甜真係好開胃
◆鑲鑽黃金蝦 $98/隻👍
呢個黃金蝦又係我至愛係我好中意嘅鹹蛋黃😍 選用大大隻嘅大蝦🍤炸到金黃色賣相出眾，而且係用燕麥碎炸，食落好有咬口😦蝦頭仲食到蝦膏，鹹香味十足，又唔會太油膩
◆薑蔥焗美國桶蠔 $78/隻
啲蠔都幾大隻啖啖肉，用薑蔥焗好惹味
◆順德焗魚腸 $218
第一次食呢道傳統又考功夫嘅順德菜，蛋焗到表層香脆內裏鬆軟😮魚腸洗得好乾淨，毫無腥味
◆名門秘製梅子轆鴨 （需預訂） $638 👍
另一道招牌菜，色香味俱全🤩原來製作工序非常繁複，要不斷用滾水淋鴨身至全熟，所以先做到咬落完全唔會靭🫨再配上自家調製嘅酸甜梅子汁，酸酸甜甜減油膩亦好適合夏天食
◆杞子魚湯浸莧菜 $198
◆闊太炒飯 $548 👍
本來以為係普通炒飯但食落一啲都唔普通🫣材料非常奢華，有大量的蟹肉同瑤柱！而且炒飯粒粒分明同好乾身
人均價錢：$700
味道：9/10
環境：8/10
服務：8.5/10
回頭率：9/10
👍=必食
*所有價錢以餐廳為準
#misshcfoodie_ 灣仔銅鑼灣
📍名門私房菜
地址: 灣仔灣仔道83號2樓
電話: 28933033
Post
