炎天丼 (Closed)

今晚莊聚，莊友簡左呢間日本菜🇯🇵，果然冇推介錯👍🏻唐揚雞丼呢個套餐包左日式炸雞🍗、流心炸蛋🥚、沙律🥗同味噌湯，價錢合理，都幾抵食下😋! 阿夢平時出邊食飯好怕唔夠餸送飯，但呢個雞丼真係大滿足🈵，我可以大啖飯大啖餸哈哈。個丼飯有6⃣大件雞，仲有原隻天婦羅炸蛋，沙律醬份量適中，仲蓋滿晒新鮮生菜，令平時唔食菜既我都連飯餸一齊食。 雞肉色澤好靚✨，食落香口但唔係熱氣果種，肉質嫩滑，肉汁都幾多，又唔會好油，好好味! 鍾意蛋漿撈飯既你一定愛上呢隻天婦羅炸蛋❤，佢有別於一般溫泉蛋或者溏心蛋，表面炸到金黃色，好鬆脆，裡面蛋漿洋溢，外脆內軟，好滋味呀，阿夢成隻放晒落口，好有滿足感🤗男仔莊友們點左天婦羅既套餐🍤，D炸物既份量淨係睇都大飽眼福，佢地食完都話夠飽啦，閨蜜們👭怕食唔晒可以開心share啦🥂