夏宮

Open Now

Now Closed

平時假日去開海都飲茶，今日去到竟然貼告示話星期六日休息唯有改地方。因為想去少人的地方，老公揀了夏宮。好耐之前嚟食過商務午餐，今次真係試點心。坐低就送上酸蘿蔔同玫瑰花茶。枱與枱都有D距離，可放心用膳。講番D點心：脆皮叉燒包個皮似墨西哥包個皮，比較鬆化，餡料味道唔錯。個包比其他酒樓大少少。腸粉同蝦餃D蝦都多同新鮮。燒賣有粒帶子係面，稍嫌蝦肉多左，豬肉較少，覺得海都個好味D。牛肉同海都個一樣好味。咸水角外脆內軟，餡料味道唔錯。