M Kitchen (Closed)

今日下午同媽咪，老豆去左千色匯的759入貨後，行左去 M Kitchen , 見到d下午茶好抵食， 就座低食，由於我地三個人， 佢就幫我地分枱，咁我就好識做比媽咪老豆一齊座，我就自己一個座。老豆叫左咖喱牛腩伴脆米餅及飯+ 凍檸檬茶+辣肉醬伴法式多士。媽咪就叫左全日特色早餐 +凍檸檬茶+炸香草雞翼。而我就叫左一份呢到好出名的熔岩芝士焗厚豬扒飯。我地每樣都Share小小來食， 呢間餐廳食物有d水準喎， 每樣食物都好到位唔會過咸， 咖喱唔太辣，濃得來好香。雞翼炸到唔錯， 唔會過火， 內裡仲係好滑。辣肉醬小小辣好惹味配上脆口多士好夾。熔岩芝士就勁正加上 咁大塊扒仲要夠淋掂呀！