Video
Read full review
2023-09-24
154 views
之前去台灣見到臭臭鍋都好想試下，但係一直都冇機會食，估唔到最後會喺香港葵芳附近食到新開嘅8鍋臭臭鍋～我同朋友叫左個臭臭鍋套餐，鍋底有好多選擇，而我地今次就試左台式麻辣鍋小辣，一個鍋入面已經包左大腸、鴨血、甜不辣、麻辣餃、魷魚圈、老油條、魚蛋、龍脷柳、沙白、米血糕、娃娃菜、炸枝竹、金針菇、鳴門卷、青豆角同王子麵，另外套餐仲配左白飯/米粉，我地就加10蚊轉左佢地嘅細黑金滷肉飯，以上餸菜雖然只係一人份量，但係基本上一個人食都已經好滿足，咩野都可以試下～黑金滷肉飯超級好食，滷肉半肥瘦，而且好入味，肉嘅份量同飯嘅比例啱啱好～食台灣嘢點可以唔手搖飲品！飲品就叫左盆栽奶茶，份量多，飲完都有D滯，配臭臭鍋應該選擇啲比較清新嘅飲品😅另外因為個menu真係太多嘢想食，所以都叫咗少少小食🤣士林鹽酥甜不辣 - 台灣嘅鹽酥真係無得頂～炸到金黃香脆而且有咬口～士林麻辣臭豆腐 - 店員一拎黎就已經聞到好香嘅臭豆腐味，令人流晒口水，食落真係臭，唔係講笑～非常之入味😂8鍋臭臭鍋 (葵芳匯) (葵涌)葵涌興芳路208號葵芳匯2樓201號舖#天天飲食_葵芳#天天foodies評分：8.5/10
之前去台灣見到臭臭鍋都好想試下，但係一直都冇機會食，估唔到最後會喺香港葵芳附近食到新開嘅8鍋臭臭鍋～
我同朋友叫左個臭臭鍋套餐，鍋底有好多選擇，而我地今次就試左台式麻辣鍋小辣，一個鍋入面已經包左大腸、鴨血、甜不辣、麻辣餃、魷魚圈、老油條、魚蛋、龍脷柳、沙白、米血糕、娃娃菜、炸枝竹、金針菇、鳴門卷、青豆角同王子麵，另外套餐仲配左白飯/米粉，我地就加10蚊轉左佢地嘅細黑金滷肉飯，以上餸菜雖然只係一人份量，但係基本上一個人食都已經好滿足，咩野都可以試下～黑金滷肉飯超級好食，滷肉半肥瘦，而且好入味，肉嘅份量同飯嘅比例啱啱好～食台灣嘢點可以唔手搖飲品！飲品就叫左盆栽奶茶，份量多，飲完都有D滯，配臭臭鍋應該選擇啲比較清新嘅飲品😅
另外因為個menu真係太多嘢想食，所以都叫咗少少小食🤣
士林鹽酥甜不辣 - 台灣嘅鹽酥真係無得頂～炸到金黃香脆而且有咬口～
士林麻辣臭豆腐 - 店員一拎黎就已經聞到好香嘅臭豆腐味，令人流晒口水，食落真係臭，唔係講笑～非常之入味😂
8鍋臭臭鍋 (葵芳匯) (葵涌)
葵涌興芳路208號葵芳匯2樓201號舖
#天天飲食_葵芳
#天天foodies
評分：8.5/10
Post
