PizzaExpress (高安閣) (Closed)

新年三五知己買外賣，揀咗四至五人套餐$525。可以自選四款薄餅🍕或主菜、青菜沙律🥗、蒜蓉包配上芝士🥖🧀及焗麵包配榛子朱古力醬。其實份量都相當豐富。外賣落咗單之後大約20分鐘就整好曬。主菜揀咗新年限定菜式，牛肝菌西班牙腸薄餅，薄餅餡料原來仲有埋Parma ham, 加$18升級左傳統薄餅，有雙倍麵團更鬆軟。外賣薄餅將某部份餡料分開，然後返到屋企自己將火箭菜及Parma ham 再灑上Pizza上。非常貼心。薄餅味道唔錯，餡料豐富，我鍾意佢嘅鬆軟度。意式燉海鮮湯隨湯附送兩個蒜蓉包，有雜錦海鮮、黃車厘茄、洋蔥🧅、番茄海鮮醬、有少量白酒及蒜蓉有油味道。湯味道相對地濃味，所以啲麵包就最好。牛肝菌雞肉螺絲粉，味道清清地較健康。Parma ham烤蜜桃拼盤🍑沙律菜幾新鮮，我鍾意食啲蜜桃甜甜地。青菜沙律🥗亦都幾新鮮。甜品我鍾意食啲麵包球，點上榛子醬唔錯。餐廳仲送$50 coupon可以下次使用。