Cafe Fabulous

Open Now

Now Closed

去到旺角行街行到好攰嘅時候，最啱嘅就梗係要去旺角嘅一啲樓上Cafe度坐下，休息一下啦！於是搵吓搵吓就見到呢一間cafe fabulous！望落去都幾正，所以就入去叫嘢食啦！叫咗一個好抵食嘅二人餐！小食方面就有呢一個脆炸芝士蝦球！份量都幾多，而且呢一個芝士蝦球嘅味道好特別，真係滿滿嘅芝士味道，再加埋蝦肉嘅味道非常之夾！主食就有芝士肉醬千層麵同埋咖喱吉列大蝦飯！我都幾鍾意呢一個芝士肉醬千層麵，上面就係滿滿嘅薯蓉，再加芝士，令到成個千層麵嘅口感層次更加豐富！而且，呢度嘅肉醬亦都好好食！飲品我自己就叫咗呢一個青蘋果梳打！就咁睇呢個賣相就已經覺得好靚好開胃啦！飲落去嘅時候酸酸甜甜嘅青蘋果味道，好解膩！唔錯唔錯！