WM咖啡廳

呢個自助晚餐真係好豐富，宜家做緊蟹逅秋意主題嘅自助晚餐。餐廳將時令秋蟹創造出多款蟹肉嘅菜式，好吸引，蟹迷必試😍宜家每位成人及小童仲可以享用一份焗釀蟹蓋，蟹膏同餡料豐富，係一個唔錯嘅驚喜💜蟹菜式方面，泰式芒果蟹肉米紙卷非常清新，做開胃前菜一流。另外松葉蟹肉果凍，口感滑溜，有淡淡蟹味😋蟹粉流沙天使麵即叫即整，蟹粉味濃郁。當中我最鍾意嘅係阿拉斯加蟹腳茶碗蒸，滑嫩的茶碗蒸中滲透住蟹腳嘅鮮味，非常值得一試。除咗蟹嘅菜式，自助餐當然必食海鮮區。海鮮選擇亦都好多，有即開時令生蠔，好新鮮。冰鎮海鮮有法國麵包蟹、加拿大松葉蟹腳和海螺，全部都幾新鮮。仲有刺身、壽司都唔可以錯過🤤熟食都好多選擇，燉湯我都非常推介。呢度啲食物選擇選擇多樣化，保證滿足唔同口味。甜品區更加係一大亮點，有多達30款中西甜點😚當中D24榴槤蛋糕，有榴槤造型好得意，蛋糕榴槤味濃郁。班蘭椰子菠蘿蛋糕香甜鬆軟，幾好味。另外我鍾意香印提子撻，酸甜適中。花酒釀小丸子則帶有微微酒香。真係款款都要試。呢個buffet真係物超所值，無論係蟹肉菜式定係海鮮、甜品都一樣出色。而且環境舒服，可以慢慢享受。