嵐橋日本料理

Open Now

Now Closed

棉登徑係我尖沙咀美食地圖中嘅隱藏推介點，熟朋友就知我喜歡那些旺中帶靜的氣氛。嵐橋丼飯好多人都話好食，佢靜雞雞要多咗上面兩層，開咗日本料理，就係由佢地鋪旁上樓梯。居酒屋形式，有刺身吧，座位間可用竹廉分隔加強私隱度。午市套餐除咗各式魚生，仲有多款熱食，啱晒而家凍冰冰嘅時候。點咗兩個套餐到嵐橋唔可以唔食刺身，厚切赤身、油甘魚、深海池魚、鯛魚、三文魚、鮮八爪魚、帆立貝、甜蝦，共十大件新鮮刺身，午餐一於食好D。安格斯牛肉壽喜燒，熱辣辣一鍋，唔止有好多片牛肉，仲有豐富蔬菜豆腐同埋半熟蛋，甜甜的壽喜燒湯汁好適合配飯。兩個套餐仲包括茶碗蒸，內有冬菇雞肉同埋魚糕。仲有足料麵豉湯甜品雪糕仲可以揀味道，豆腐同綠茶都好食佢有個更豐富嘅廚師精選得上壽司定食，下次要試吓。