Video
Read full review
2023-01-12
181 views
位於灣仔一間法國菜小店，由法籍老闆親手打理，主打中價的法國菜套餐，試過單叫菜式，但都係2人套餐抵食啲。我地平日去食，大概7點就接近full晒，環境都幾舒服，整體食物質素幾好🌟法國產地直送生蠔 (4pcs) $134生蠔唔算好大隻肥美，但幾鮮甜，淡淡海水味，加少少檸檬汁食都唔錯✨✨法式小館雙人套餐 $788套餐有湯、頭盤、2主菜、甜品🌟精選餐湯今日係西蘭花忌廉湯，會配一塊麵包，可以點湯一齊食，餐湯香濃而且份量都極多🌟主廚拼盤 好豐富既一款頭盤，都見到好多人叫。包括咗酸種麵包、煙三文魚、意大利火腿、炸黑松露蘑菇球、鱈魚醬、雞蛋沙律、燒茄子。每款食材都有少少，幾啱share一齊食。 🌟慢燉羊膝羊膝會預先切開咗再上菜，唔怕會食得好狼狽，但都會連骨一齊上，賣相幾吸引。配菜有羽衣甘藍、新薯及薯糰丸子。羊膝肉慢燉過食落好軟嫩唔會鞋，淋上傳統羊肉汁味道更好，薯糰丸子煙煙靭靭都唔錯🌟牛脊肉配鴨肝 選用新西蘭牛脊肉，配咗薯蓉同青胡椒醬汁，有一件香煎鴨肝，亦都可以+$60追加鴨肝， 不過當日鴨肝冇貨轉咗做鴨肝醬，但鴨肝醬偏鹹略為美中不足，牛脊肉叫咗5熟好軟嫩。🌟啤梨杏仁撻半個熟透啤梨，底到有焦糖醬，加上香脆
位於灣仔一間法國菜小店，由法籍老闆親手打理，主打中價的法國菜套餐，試過單叫菜式，但都係2人套餐抵食啲。我地平日去食，大概7點就接近full晒，環境都幾舒服，整體食物質素幾好
🌟法國產地直送生蠔 (4pcs) $134
生蠔唔算好大隻肥美，但幾鮮甜，淡淡海水味，加少少檸檬汁食都唔錯
✨✨法式小館雙人套餐 $788
套餐有湯、頭盤、2主菜、甜品
🌟精選餐湯
今日係西蘭花忌廉湯，會配一塊麵包，可以點湯一齊食，餐湯香濃而且份量都極多
🌟主廚拼盤
好豐富既一款頭盤，都見到好多人叫。包括咗酸種麵包、煙三文魚、意大利火腿、炸黑松露蘑菇球、鱈魚醬、雞蛋沙律、燒茄子。每款食材都有少少，幾啱share一齊食。
🌟慢燉羊膝
羊膝會預先切開咗再上菜，唔怕會食得好狼狽，但都會連骨一齊上，賣相幾吸引。配菜有羽衣甘藍、新薯及薯糰丸子。羊膝肉慢燉過食落好軟嫩唔會鞋，淋上傳統羊肉汁味道更好，薯糰丸子煙煙靭靭都唔錯
🌟牛脊肉配鴨肝
選用新西蘭牛脊肉，配咗薯蓉同青胡椒醬汁，有一件香煎鴨肝，亦都可以+$60追加鴨肝， 不過當日鴨肝冇貨轉咗做鴨肝醬，但鴨肝醬偏鹹略為美中不足，牛脊肉叫咗5熟好軟嫩。
🌟啤梨杏仁撻
半個熟透啤梨，底到有焦糖醬，加上香脆杏仁，味道甜甜地
🌟Pomegranate Mojito $70
法國蘋果氣泡酒、白朗姆酒、石榴糖漿、薄荷葉、青檸
算比較易入口，都幾fresh既一款
🌟Orange Blush
冇酒精既茶飲，以橙汁同士多啤梨為，味道幾清新
📍ÔDELICE French Kitchen
灣仔蘭杜街2號地下9號舖
Post
