喜記蟹將軍 (iSQUARE國際廣場) (Moved) New Location

朋友介紹話食過唔錯，所以今日一大班朋友就嚟到呢度食蟹及小菜。當然一定要叫喜記正宗炒辣蟹，我哋個個都鍾意食蟹！賣相已經好靚，係避風塘風味.蟹夠大隻，已經預先切件，方便進食。而且蟹殼都預先卜好咗，幾細心！蟹肉爽口新鮮，相當唔錯！辣辣地味道更加惹味！跟住叫咗豉椒炒蜆亦都好夠穫氣！蜆都幾大隻，而且充滿豉椒香味，食唔停！除咗炒蜆，我都好鍾意食豉椒炒蟶子皇！蟶子皇最好就係啖啖肉，夠大隻，充滿鮮味！櫻花蝦炒飯面上充滿櫻花蝦，所以個飯特別香！飯嘅份量都幾多，炒得乾爽！上湯菜心，清清地叫返個菜！面上有啲菇唔會太單調！呢一餐真係相當豐富！