舍利鮨 (Closed)

同友人提早慶祝聖誕，搵咗間高級啲嘅日式餐廳食omakase，超級期待。Omakase一向俾佢嘅印象都係貴夾唔飽，錯了，呢間對大眾嚟講算係平民價錢，而且都幾飽。成餐最驚喜係個海膽，係拍賣級嘅海膽。食落好鮮甜，唔腥，好好食。醬油漬赤身 - 睇住師傅整，佢先前醃好放盒。好入味，醬油冇蓋過赤身嘅鮮味，仍然好fresh！中拖羅壽司 - 好肥美，好多油脂喺口入面爆發，大滿足！深海池魚壽司 - 肉質彈牙，好煙韌，魚味夠濃，正！整體來講，呢間嘅刺身同壽司都出色，值回票價！