夜。鐵板燒

廚師發板食得多，鐵板燒既廚師發板就比較少食，今次就趁男朋友生日黎試下！鐵板燒廚師發板唔止得鐵板燒，仲有其他日本料理，特上刺身盛就係其一！一碟入面有金目鯛，牡丹蝦， 生蠔同大拖羅，大拖羅真係好正，味道超嫩，完全係入口即化，油香十足，係口腔慢慢滲透出黎，魚味非常濃郁，其他好似蝦同生蠔都係好鮮味，全部口感好好(⁎⁍̴̛ᴗ⁍̴̛⁎)之後就係鐵板燒既精華，先食燒原隻活西澳龍蝦，龍蝦燒完都好彈牙，肉質好嫩，配自家製龍蝦醬汁，龍蝦汁提取龍蝦精華，味道濃香咸鮮，為龍蝦肉更添香味，配上少量雜菜，味道更豐富(*^o^*)另一精華係南非活鮑魚，同樣新鮮仲識郁既鮑魚放上鐵板即燒，鮑魚配鮮海苔醬，口感爽彈有韌性，海苔醬咸得黎都好鮮，帶出鮑魚既獨特鮮味(≧▽≦)仲有不可不提既係北海道帆立貝，大大粒既帆立貝用黑松露去炒，非常咸鮮，本身已經燒到有啲焦香既帆立貝，加上濃味既黑松露，味道真係更香呀(´▽｀)