Video
Read full review
2023-11-25
25 views
想同朋友坐低享受慢活時光，可以靜靜地食吓嘢、傾吓偈，揀咗呢間主打串燒嘅日式料理餐廳。行近餐廳見到門面暗黑設計，好型格，門口設有開放式座位同高枱，感覺幾chill。餐廳入面左邊係小清新設計，有可以坐底飲吓咖啡嘅悠閑感；右邊係長形黑色水吧位，放咗好多唔同類型嘅酒，同樣令人感覺放鬆。✔️燒鳥Omakase$338一位餐廳主打串燒，當然套餐價錢較相宜，又可以試到多啲食物。呢個師傅發辦嘅雞串燒套餐包括：2道前菜、6串串燒、1道和食主食及味增汁，好豐富。前菜：芥辣八爪魚，紅酒蕎頭將新鮮八爪魚切成粒狀，加入芥末，有辛辣風味；紅酒蕎頭酸味味，兩個前菜都令人好開胃。和食：雞湯丸子由剁碎雞肉和其他調味料混和而成嘅丸子、蘿蔔、腐皮煮成嘅雞湯，雞湯吸收咗食物精華下好清甜。串燒：雞胸肉、雞腳跟、雞翼、明太子釀冬菇、紫蘇葉雞肉、雞肝、雞胸軟骨、雞心、雞棒及日本蛋今次發現原來雞咁多部位都可以用嚟煮食，自己未食過雞腳筋，雞肝、雞胸軟骨、雞心，都比較少食到，唔同部位嘅口感又真係幾唔同，雞腳筋膠原感重，比較彈牙；雞肝質地滑潤；雞胸軟骨呈片狀，咬落去更薄脆；雞心Q彈！而自己好鍾意雞棒及日本蛋，口感十足嘅雞肉棒蘸上可生食用蛋液
✔️燒鳥Omakase$338一位
餐廳主打串燒，當然套餐價錢較相宜，又可以試到多啲食物。呢個師傅發辦嘅雞串燒套餐包括：2道前菜、6串串燒、1道和食主食及味增汁，好豐富。
前菜：芥辣八爪魚，紅酒蕎頭
將新鮮八爪魚切成粒狀，加入芥末，有辛辣風味；紅酒蕎頭酸味味，兩個前菜都令人好開胃。
和食：雞湯丸子
由剁碎雞肉和其他調味料混和而成嘅丸子、蘿蔔、腐皮煮成嘅雞湯，雞湯吸收咗食物精華下好清甜。
串燒：雞胸肉、雞腳跟、雞翼、明太子釀冬菇、紫蘇葉雞肉、雞肝、雞胸軟骨、雞心、雞棒及日本蛋
今次發現原來雞咁多部位都可以用嚟煮食，自己未食過雞腳筋，雞肝、雞胸軟骨、雞心，都比較少食到，唔同部位嘅口感又真係幾唔同，雞腳筋膠原感重，比較彈牙；雞肝質地滑潤；雞胸軟骨呈片狀，咬落去更薄脆；雞心Q彈！而自己好鍾意雞棒及日本蛋，口感十足嘅雞肉棒蘸上可生食用蛋液及味道濃厚醬油，風味十足！
主食：日本飯團及味噌湯
三角形日本飯團外層焦香脆口，鍾意呢種焦香口感的話，可以單獨食用飯團，另外再飲用味噌湯；另一個食法就係將飯團放入味噌湯，整碎佢浸一陣，變成茶漬飯。自己鍾意後者食法，冇咁熱氣，湯飯對於我嚟講又更易入口。
✔️生啤$88
黑啤麥味較重，順滑易入口，女仔都啱飲。
✔️白桃梳打$42
呢隻牌子嘅樽裝白桃梳打好多日本料理餐廳都飲到，味道較甜。
✔️爐燒雞泡魚干78
雞泡魚乾表面呈金黃色，具烤香風味，面層塗有蜜糖一齊燒，味道豐富有嚼勁，伴酒最佳小食！
Post
