Video
Read full review
2022-05-15
584 views
【大圍】捌哥‧馬拉籽 — 鮮牛油咖央多士.見疫情開始暖和，加上Ball又有個康復碼，所以襯仲有得堂食，決定要報仇式進食。要誓食晒所有好西，實行「Work Hard, Play Hard, Eat HARDER」嘅精神。.今次去左大圍嘅馬來西亞菜餐廳 — 捌哥‧馬拉籽到食。其實喺佢岩岩新開個陣都有去食，今次係第二次去食。餐廳以白色做主調，無論係地板、牆身又或者係餐桌都係用白色設計。白色餐桌配上木製椅子同竹藤編織嘅長凳，加上豐有馬來西亞特色嘅地板花紋，為餐廳營造出懷舊馬來西亞嘅感覺。餐廳除左給予人有馬來西亞嘅感覺之外，仲可以感受到懷舊香港味道。白色牆身上以黑色墨畫形式，呈現大圍舊時嘅特別地方，例如：青龍水上樂園、三輪家庭車、熱狗巴士，豐有舊香港味道。.其實Ball去呢間餐廳都食左唔少野，例如有惹味蘿蔔糕同湯底濃郁、每啖都飲到蝦味嘅檳城福建蝦麵。不過今次就介紹佢地呢款人氣之選，由馬來西亞空運麵包到港嘅鮮牛油咖央多士。麵包烘成香脆鬆軟嘅多士，每咬一啖都聽到多士香脆嘅聲音。鬆脆多士再加上厚厚嘅牛油同幼滑嘅咖央醬，口感豐富。每啖除左可以品嘗香甜嘅牛油之外，仲可以享受到咖央嘅椰子香同淡淡斑蘭味，簡直
.
見疫情開始暖和，加上Ball又有個康復碼，所以襯仲有得堂食，決定要報仇式進食。要誓食晒所有好西，實行「Work Hard, Play Hard, Eat HARDER」嘅精神。
.
今次去左大圍嘅馬來西亞菜餐廳 — 捌哥‧馬拉籽到食。其實喺佢岩岩新開個陣都有去食，今次係第二次去食。餐廳以白色做主調，無論係地板、牆身又或者係餐桌都係用白色設計。白色餐桌配上木製椅子同竹藤編織嘅長凳，加上豐有馬來西亞特色嘅地板花紋，為餐廳營造出懷舊馬來西亞嘅感覺。餐廳除左給予人有馬來西亞嘅感覺之外，仲可以感受到懷舊香港味道。白色牆身上以黑色墨畫形式，呈現大圍舊時嘅特別地方，例如：青龍水上樂園、三輪家庭車、熱狗巴士，豐有舊香港味道。
.
其實Ball去呢間餐廳都食左唔少野，例如有惹味蘿蔔糕同湯底濃郁、每啖都飲到蝦味嘅檳城福建蝦麵。不過今次就介紹佢地呢款人氣之選，由馬來西亞空運麵包到港嘅鮮牛油咖央多士。麵包烘成香脆鬆軟嘅多士，每咬一啖都聽到多士香脆嘅聲音。鬆脆多士再加上厚厚嘅牛油同幼滑嘅咖央醬，口感豐富。每啖除左可以品嘗香甜嘅牛油之外，仲可以享受到咖央嘅椰子香同淡淡斑蘭味，簡直係味覺嘅享受。
.
如果大家都想食番馬來西亞嘅味道，不妨可以黎大圍捌哥又或者去深水埗分店試下。值得一提嘅係，佢地嘅肉骨茶都好正，仲可以添飲架。
鮮牛油咖央多士
54 views
0 likes
0 comments
Post
