神戶屋日韓放題

Open Now

Now Closed

有朋友自英國來港旅遊，我陪佢去旺角行街食飯，之後去咗兆萬食放題，神戶屋主打日韓放題，提供逾200多款美食，有雞煲、火鍋、刺身、串燒等。升級仲可以任食生蠔和海膽。入座後會先送上一盆海鮮加刺身拼盤，海鮮和刺身份量十足，七彩繽紛嘅拼盤好精美。生蠔、蟹腳、三文魚、希靈魚、帶子、甜蝦、赤貝等都新鮮肥美，口感有彈性，味道鮮甜。赤蝦大隻肉質鮮甜彈牙。海膽軍艦：橙黃色的海膽味道甘甜，質感細膩，幾乎入口即溶，加片青瓜可增加口感。黑松露油甘魚壽司：油甘魚魚油甘香，加上黑松露油令味道提升。火炙沙律燒三文魚腩壽司口感軟綿，入口即化。魚油味香濃。燒鯖魚嫩滑又香口。燒菠蘿又酸又甜又多汁。炸物即叫即炸，香脆可口。餐廳提供日韓汽水及啤酒任飲！最後還有一系列甜品及雪糕。