莆田 (美麗華廣場2期) (Closed)

莆田豐盛盆菜😍地址:尖沙咀美麗華2樓環境-環境好舒服，座位之間隔得好遠，服務好好，仲會幫我哋換碟，好好禮貌，食得好開心😃。特色-曾經攞過新加坡米之蓮一星，香港都有幾間分店，味道有保證。食福建菜，坊間比較少有。趁仲有一段時間先過年，餐廳冇咁full，約咗朋友晏晝出嚟團年🤣盆菜盆菜好豐盛，有鮑魚、海參、花胶、瑤柱、蝦、菇、髮菜。。。平時好多時食盆菜都會好咸，呢度嘅咸度啱啱好，啲料入味得嚟唔會覺得咸，鮮味都好足夠，尤其係鮑魚、花胶同大花菇，都好好味😋髮菜份量勁足，好耐冇試過咁大啖食髮菜。煎黃花魚魚煎得好香，嗰汁底加咗洋蔥，有少少甜，同黃花魚好夾好好味。海蠣煎近排餐廳主題係海蠣，即係平時食嘅煎蠔餅，不過佢同潮式有少少唔同，蛋比較少，而且同啲蠔係分開煎嘅，蠔多到有啲夸張，好足料。酥炒芋芯呢個芋頭勁好味，入面係軟綿綿嘅芋頭，外層加咗少少糖嚟炒，外脆內軟，佢已經成為我以後去莆田嘅必點菜。莆田汰麵呢個麵算係莆田嘅招牌菜之一，之前都食過幾次，依然覺得好鮮好好味，入面有蝦、蜆同埋子，所以好鮮味，再加上菇同菜，好滿足。扁肉湯呢個好似又係莆田嘅招牌之一，朋友勁鍾意，要趁熱飲，扁肉有啲似雲吞，又有啲似魚皮餃，食