Video
Read full review
2023-04-30
30 views
同朋友食日本嘢，揀咗食串燒，呢間餐廳專門食豚肉，啱晒我朋友唔食牛👍🏻我哋叫咗兩杯酒慢慢嘆，淺間梅子酒同埋京姬柚子x 檸檬酒度好香甜，好易入口，啱晒我哋口味。一開始嚟咗個前菜，蒜子蕃茄沙律，幾清新，開下胃先。跟住嘅牛蒡漬物係健康之選，都幾入味㗎，爽爽地。刺身盛合六有三文魚、帶子、蝦，我最鍾意帶子，鮮甜嫩滑。燒魷魚好厚肉，幾新鮮，肉質白雪雪，爽得來柔軟，配左一啲燒汁、櫻花蝦同埋Wasabi幾好味。豚肉紫蘇卷整體味道幾甘香，豬肉燒過之後嘅油脂特別香。西班牙黑豚豬頸肉肥美，肉質爽口，燒過之後焦香，加上調味鹹香鹹香好好食。雞翼串雞皮燒得好脆，燒雞翼真係好邪惡，嗰種香味令人食道舔舔脷。上等豬脷串有咬口得來唔會似𡁻橡筋，爽軟有肉汁。芝士明太子醬長芋$88- 雖然帶少少滑潺潺，但係爽脆的，配明太子芝士醬料多幾特別。日本青椒仔一啲都唔會辣，配咗好多木魚絲好香。
我哋叫咗兩杯酒慢慢嘆，淺間梅子酒同埋京姬柚子x 檸檬酒度好香甜，好易入口，啱晒我哋口味。
一開始嚟咗個前菜，蒜子蕃茄沙律，幾清新，開下胃先。
跟住嘅牛蒡漬物係健康之選，都幾入味㗎，爽爽地。
刺身盛合六有三文魚、帶子、蝦，我最鍾意帶子，鮮甜嫩滑。
燒魷魚好厚肉，幾新鮮，肉質白雪雪，爽得來柔軟，配左一啲燒汁、櫻花蝦同埋Wasabi幾好味。
豚肉紫蘇卷整體味道幾甘香，豬肉燒過之後嘅油脂特別香。
西班牙黑豚豬頸肉肥美，肉質爽口，燒過之後焦香，加上調味鹹香鹹香好好食。
雞翼串雞皮燒得好脆，燒雞翼真係好邪惡，嗰種香味令人食道舔舔脷。
上等豬脷串有咬口得來唔會似𡁻橡筋，爽軟有肉汁。
芝士明太子醬長芋$88- 雖然帶少少滑潺潺，但係爽脆的，配明太子芝士醬料多幾特別。
日本青椒仔一啲都唔會辣，配咗好多木魚絲好香。
Post
