Video
Read full review
2024-09-18
443 views
呢間店，我諗十個有九個都會食煮干拉麵或沾麵，而我都食過，咁今次刻意試試另一款非招牌拉麵。濃厚豚骨拉麵🍜香味 (3/5) - 豚骨味係算有嘅，但未至於好濃烈。湯頭 (2.5/5) - 講真，佢個豚骨味只屬於普通水平，唔夠鮮唔夠香唔夠濃，唔係話一啖飲落口會嘩一聲嗰隻。我唔肯定店家係自己煲定買現成，但比到我嘅感覺係一款冇乜誠意，冇乜特別，普普通通，算係有豚骨味嘅湯。麵條 (2.5/5) - 我認為配得豚骨湯，應該用細麵，甚至乎用極細麵，低加水，咁先最好。呢款麵我估係夾個煮干湯而配，配豚骨就太粗左D，唔吸湯亦唔掛湯。配料 (3.5/5) - 呢款麵用嘅料，同佢煮干拉麵用嘅都係大同小異，唔多講。唯一少扣分係，豚骨湯應該要配較瘦嘅豬肉部位，佢照配塊腩肉叉燒就唔係咁夾。整體 - 不推薦。絕對唔係難食，不過就普普通通。
濃厚豚骨拉麵🍜
濃厚豚骨拉麵🍜
$88
0 views
0 likes
0 comments
香味 (3/5) - 豚骨味係算有嘅，但未至於好濃烈。
湯頭 (2.5/5) - 講真，佢個豚骨味只屬於普通水平，唔夠鮮唔夠香唔夠濃，唔係話一啖飲落口會嘩一聲嗰隻。我唔肯定店家係自己煲定買現成，但比到我嘅感覺係一款冇乜誠意，冇乜特別，普普通通，算係有豚骨味嘅湯。
麵條 (2.5/5) - 我認為配得豚骨湯，應該用細麵，甚至乎用極細麵，低加水，咁先最好。呢款麵我估係夾個煮干湯而配，配豚骨就太粗左D，唔吸湯亦唔掛湯。
配料 (3.5/5) - 呢款麵用嘅料，同佢煮干拉麵用嘅都係大同小異，唔多講。唯一少扣分係，豚骨湯應該要配較瘦嘅豬肉部位，佢照配塊腩肉叉燒就唔係咁夾。
整體 - 不推薦。絕對唔係難食，不過就普普通通。
Other Info. :
我都預左叫非招牌菜，難免會有d失望。加上一蘭就响隔兩條街，我覺得店家不如索性專心做好煮干拉麵，節省成本。
(The above review is the personal opinion of a user which does not represent OpenRice's point of view.)
Post
