丸目背脂煮干

Open Now

Now Closed

收工約左朋友過黎旺角搵食。女人街成條街都係食肆，我地行過見到有間日本拉麵店好得意，d拉麵名未聽過，但見餐牌d相又幾吸引，入面仲滿晒座，於是就決定入去試一試。我地平日19：00左右，大約等左5分鐘左右就有位啦。一入到去，不得不提，餐廳好窩心地有冰水提供，仲要個水壺係冰水分離，超正。見餐牌呢度平時lunch 同 tea time 仲有特價，58蚊起，好抵食。黎到當然係要點呢度既主打背脂煮干啦～沾麵同拉麵，我地都點左。上網查左，原來湯底用左大量豚骨、豬背脂同大量沙丁魚乾熬成既，再加指定既日本醬油，熬足三日，怪不得咁香濃啦。❤️特盛海老辛醬背脂煮干沾麵 $108沾麵彈牙，醬汁香濃，充滿鮮味，雖然係有大量豬背脂，但入口一d都唔油膩，仲好惹味。日本豚肉叉燒夠薄身，入水即溶，加上流心蛋，非常美味。❤️海老辛醬背脂煮湯拉麵 $98湯底比一般既拉麵湯底鮮香味濃，一d都唔油膩，同樣係有入口即溶既豚肉叉燒同流心蛋，麵條粗身，彈牙有口感。🍹靜岡線茶可樂 $20🍹靜岡蜜柑梳打 $20丸目背脂煮干拉麵 (旺角)旺角通菜街74號地舖拉麵專門店 #沾麵 #油麵 #秘製湯底 #日本過江龍 #東京 #日本料理 #丸目 #旺角

初初拍拖同男朋友喺旺角食拉麵，當時第一次嚟到《丸目背脂煮干》，好記得果陣時拉麵店剛開業仲喺試業期間，我地就入咗去食🤭！估唔到三年後，《丸目》仍然屹立在通菜街😋，好少可男朋友會重複去同一間餐廳食嘢，除非好好食啦😼上星期日行過丸目門口，小妹男友突然話「不如今晚食多次」，<回味丸目的美食日記>因此而再展開嚕🫶🏻🫶🏻《丸目》係主打以「煮干香氣特濃的醬油湯底」，煮干一詞意思係小魚直接煮熟之後曬乾，有頭有尾有埋肚子，保留魚的原味以作為高湯使用，因此味道比用柴魚更濃厚更鮮味！當晚同往年一樣，小妹沾麵、男友拉麵：▫️特盛特製背脂煮干沾麵（超特濃湯）食材包括背脂、蛋、叉燒角、慢煮豚肩、炙燒豚腩、紫菜、筍、蔥、生洋蔥。▫️▫️小妹喜愛沾麵揀冷麵，唔怕食到一身汗之餘，麵質比夠彈牙及有咬口；超特濃湯第一啖咸咸甜甜，食到尾加高湯，反而再濃味咗🌝；慢煮豚肩粉嫩粉嫩，入口即化❤️▪️丸目Black拉麵（黑椒湯）食材包括豚腩肉、蝦油、蒜、干蒜、芽菜、黑椒、薑汁、蔥。遇上殿粉質月，晚市時段免費替玉（かえだま）或白飯！▪️▪️湯底沒有黑椒辛辣，只有少少微辣，卻有滿滿的黑椒香味，湯頭好清，有特色，食到尾有少少🤏🏻甜甜地；

去左旺角搵朋友，佢推薦去通菜街覓食，在那橫街小巷中發現不少大廈都外牆裝修，就連朋友大推的【丸目背脂煮干拉麵】都搭上棚架。不過都無阻我飲飲食食的心❤。  ⦁特製背脂煮干湯拉麺 $88⦁丸め油麺（拌麵）$98兩款麵質煙韌彈牙，口感不錯！湯麵🍜的湯底醬油味濃，而不粘稠。而拌油麵配料很多就連泡菜、竹筍、菠菜等，有種韓國拌飯的感覺，整體味道帶點辣🌶，非常惹味！肉量大滿足$180g🥩，只需加$5，而且肉質香嫩，油脂分布不錯。  ⦁晴王麝香葡萄梳打 $24⦁富士山柚子梳打 $24兩款梳打都有濃濃的果香🍇，個人覺得柚子味道為清新，有種解膩感，好岩搭配拌麵。  

經過幾次都想試嘅拉麵店～好有日式風味嘅舖仔座位唔多～店裏面一邊播住日文歌特製背脂煮干湯拉麵～賣相幾好嘅～不過湯底偏淡冇咩味～炙燒叉燒片、叉燒片各一塊～仲有：木耳絲、一開二糖心蛋、紫菜一片、蔥花同大量生洋蔥粒～糖心蛋入味幾好味～薄切炭燒叉燒片味道一般～早知揀豬骨濃湯～對呢碗嘢個湯底有D失望～另外一碗加拉麵底～大大碗大滿足～可惜唔夠湯～早知走洋蔥粒～成碗麵淨係食到生洋蔥味辣辣地～嚴重影響湯底嘅味道有D怪

同老公去旺角買波鞋，老公話想食拉麵，就去咗旺角嘅呢間丸目背脂煮干拉麵到用餐。間餐廳唔算好大，但佈置得幾靚，而且都坐得舒服👍海老辛醬背脂煮干-湯麵 $98老公食辣，叫咗呢碗海老辛醬背脂煮干湯麵，呢碗拉麵個湯底好濃厚，好有豚骨味，而且帶有辛辣味，上面舊叉燒油輕輕煎過，好香好惹味👍特盛背脂煮干沾麵 $98我呢碗特盛背脂煮干沾麵都好正，湯入面有好多豬貝脂，我上網查，原來豬貝脂係一種好特別嘅票配料，佢係豬背部嘅脂肪，佢口感嫩滑，入口即溶，加添咗成碗麵嘅濃厚味😋佢嘅麵都好厚實，好彈牙，沾埋啲湯一齊食，正正正👍另外，叫左1支山梨紅葡萄梳打同埋完熟桃子梳打，全部都係日本直送👍

今日黎到旺角探店 食間日本東京過江龍嘅日本拉麵😍 未黎之前已經好期待 因為仲有沾麵選擇麻辣肉碎拌麵🍜呢間麵底比平時嘅拉麵更粗更寛 食落好有口感 但係又唔會因為粗左而影響湯汁掛麵嘅效果👍 呢個拌麵口感好得意 有少少fusion菜嘅感覺 保留日式拉麵嘅同時亦有四川拌麵嘅感覺 肉碎加粗麵帶嚟嘅感覺好震撼 衝擊我味蕾 但係始終係日本口味 所以麻辣都唔會太辣 係有麻香味 特製背脂煮干沾麵🍜食拉麵有得揀我都會揀沾麵 因為我覺得咁樣就可以真正試到師傅嘅手勢 面底會唔會煮得太腍身 或者個沾麵湯底會會唔會太濃味 將所有食材分開各自品嚐 而沾麵更加可以根據自己口味去品嘗 一舉兩得🤞🏻如果驚麵量唔夠 只要加$10就可以加底做特盛😋 餐廳位於旺角中心地帶 非常易揾 但係餐廳座位唔算多 繁忙時間可能要等位

今日行開旺角，突然想食拉麵，見到通菜街開咗呢一間新嘅拉麵，坐滿晒人，就入去試吓啦佢嘅湯底主要係豬骨湯，辛海老醬豬骨湯，同埋出面好少見既黑椒湯我哋叫咗個黑椒湯拉麵，另外一個辛海老醬沾麵拉麵好足料，有一塊厚切豚肉同兩塊薄切豬肉，輕輕燒過，油脂好香，湯底超濃厚，仲有少少油脂粒另口感昇華，我自己好鍾意辛海老醬，辣辣地好醒胃！黑椒湯底有蒜蓉，黑椒唔會太辣太嗆，湯底好特別，鍾意黑椒味嘅，不妨試一試另外我哋仲叫咗兩支梳打，分別係桃味同蜜瓜味，食完拉麵梗係要爽一爽

日本拉麵湯底有好多種，最常見豚骨湯、鹽味等口味，今次來試未吃過的口味。丸目背脂煮干是一間以背脂煮干秘方製成拉麵湯底的店。位於旺角的街巷中，水泥牆門面加上木系的日式裝修。因為出面搭了棚的關係，可能有些難發現，不過門面頗明亮的。店內有一排面牆的高桌椅，也有四人座位，用餐環境比起一般的拉麵店闊落。特製背脂煮干湯拉麵 (HKD 88) 泛著油花的湯底有油脂香但喝起來並不油膩，而且還保持著湯的溫度。如果覺得標準的背脂不夠豐富，可以加錢增量 (約2、3、4倍)。「背脂煮干」其實就是豬隻的脂肪粒加上小魚乾，熬出來的湯意外地有種清爽感。較粗身的麵條可選軟硬度，我的是標準也很有嚼勁。而且一碗能吃到兩款豚肉叉燒，不論是軟嫩的豚肩，還是灸燒過的豚腩也不錯。海老辛醬背脂煮干沾麵 (HKD 98)加了海老辛醬讓整體更為濃郁且非常惹味，這個辣度是可以選擇的。麵條也能夠選擇冷/熱，掛湯力亦不錯。我自己最喜歡那溏心蛋，不需要加錢便吃到味道香濃滑順的半熟蛋。飲品方面，這裡還有日本直送的果汁梳打。靜岡蜜瓜梳打 (HKD 20) & 富士山柚除梳打 (HKD 20)

<特製背脂煮干 - 湯拉麵 🍜$88> 第一次食背脂拉麵，都幾特別，湯底都幾濃郁，飲落去好有層次感，背脂嘅香味完全融入咗湯入面😚 麵條都幾有嚼勁，叉燒同埋糖心蛋，都幾算唔錯🙈
<特製背脂煮干 - 沾麵 🍜$88>呢款沾麵比拉麵更加濃郁，沾汁背脂嘅香味好突出，熱辣辣，麵條沾上沾汁食，每一口都好滿足。我幾鍾意食佢地沾汁入面嘅肉粒，好香口好惹味🤤
<口福餃子🥟 $28>餃子有驚喜，有成6粒，餃子皮薄餡多，餡嘅肉都算幾多，煎得兩面金黃，咬落去好香脆，我鍾意同埋d餃子醋一齊食😳
<靜岡綠茶可樂🥤 $20> 我想飲呢款綠茶可樂好耐架啦！飲落去有淡淡嘅綠茶香，仲有可樂嘅甜味。口感都好清新，幾特別😂<靜岡密瓜蘇打 🍹$20> 我鍾意呢款密瓜蘇打多d！飲落去有濃濃嘅密瓜香，同蘇打水嘅氣泡好搭。可以解到拉麵嘅膩🤣

忽然之間、想食濃味的食物、所以就去了一間食日式拉麵、充斥味蕾！海老辛醬背脂煮干-沾麵 🌟🌟🌟🌟🌟給人留下深刻印象。麵條Q彈有嚼勁，搭配濃郁的海老辛醬，帶有微辣的風味，背脂的加入增添了濃郁的口感，讓整體更加豐富。海老的鮮甜味道與辛辣醬汁完美結合，沾麵不僅口感出色，而且味道豐富。濃厚的海老辛醬豚骨湯拉麵🌟🌟🌟🌟🌟湯頭濃郁豐富，帶有豚骨的香氣，再加上海老辛醬的獨特風味，味道十分獨特。麵條Q彈有嚼勁，與湯頭完美搭配，鮮甜味道與豚骨湯的濃郁相互輝映，帶來豐富的層次。

鐘意食拉面既我今日終於黎到呢間係旺角幾好名氣既拉面店，店內環境唔錯，感覺好似去左日本咁! 拉面款式專做某幾款，不過就湯拉面，沾面同油面都有。特製背脂煮干湯拉面見到拉麵湯頭表面有好濃厚既豬背脂油，湯底係偏重味，如果想再重味D，仲可以增量背脂。湯底飲落有好香既鮮味，而且仲有帶甜味既洋蔥粒，令到整體湯底冇咁膩。叉燒有2款，有慢煮豚肩同灸燒豚腩，配料都好多。海老辛醬背脂煮干沾面沾面有得簡冷面底~ 海老辛醬味道好突出，味道偏辣，食落好剌激，食得辣既朋友推介叫呢款。另外都有D日式飲品，叫左晴王麝香葡萄梳打同埋富士山柚子梳打，一秒回到日本!

丸目背脂煮干(旺角)1. 特製背脂煮干 湯拉麵 $88特制背脂煮干拉面比起其他拉麵湯底味道會相對較濃，豬背脂風味充斥係成碗面，炒過既紫洋蔥配中和油膩既感覺，令人一啖啜一啖，叉燒有用火燒過，食落好香口。2. （特盛）海老辛醬背脂煮干-沾麺 $108沾麵湯汁比拉麵的湯底要濃。沾麵麵身比拉麵的幼少少，但一樣彈牙。麵掛湯。沾麵湯汁入面叉燒是粒狀，煮得非常之淋，入口即溶。因為我叫咗特盛，所以會多咗拉麵嗰兩款叉燒，而且特盛者係加多$10，超級抵。沾麵汁辣得來有好香嘅蝦味，我會覺得有少少XO醬既味，因為我就偏向重口味，所以我真係勁鍾意食呢個沾麵。一定會返嚟食，下次會係加埋飯撈落去食‌！！#日本過江龍 #匠人湯底 #拉麵專門店 #沾麵 #油麵 #秘製湯底 #東京 #日本料理 #丸目 #旺角 #香港餐廳推介 #快閃日本 #yummyfood #hkfood #hkig #hkfoodie #foodie #delicious #hkgirl #hkrestaurant #hkfoodblogger #foodiehk #hkfoodshare #delicious #instafood #hkfood

東京過江龍拉麵店，座落在繁華又帶點低調的旺角通菜街，這個非一般的豚骨拉麵，加入了豬背脂及沙丁魚乾熬製的湯頭，搭配日本醬油，味道份外濃郁，多了一份脂香和魚鮮香。特製背脂煮干湯拉麵 $88 | 特盛特製背脂煮干沾麵 $98拉麵和沾麵的製法大致相同，分別在於吃法和湯底濃度。薄身的慢煮豚肩肉質軟綿，鹽香調味配上濃郁湯底，簡單滋味。較厚身的炙燒豚腩較有爽勁口感，脂肪與瘦肉層相間，不覺油膩。不得不提，隨附的醣心蛋非常高質，醣心效果完美，醬油香突出，單吃也足以當主角！富士山柚子梳打 $20 | 信州蘋果梳打 $20熱麵配梳打，絕配Combo！日本直送的水果梳打，味道自然，容易入口，可以Refresh一下吃完重口味拉麵的口腔和味蕾。

條日本拉麵癮又起所以去咗旺角食拉麵我揀咗海老辛醬背脂煮干湯拉麵個麵真係好好食無論係個肉、蛋、麵、湯樣樣都好好食佢個肉生熟程度好好個蛋好流心個麵軟硬程度個湯既濃郁真係全部都夾得好好食完之後就諗緊下次可以幾時再嚟食

今日去咗旺角試咗間日本沾麵舖，叫咗兩碗特盛背脂沾麵。湯底好濃厚，有洋蔥同柚子嘅清香，食落好順口，唔會覺得好油膩。流心蛋煮得好啱，叉燒微微燒過嚟，同拉麵搭配得好好。麵條唔會太腍太硬，不過食到最後有啲太鹹。整體嚟講，呢碗特盛背脂沾麵係一個好美味嘅體驗，湯頭香濃，食材新鮮，風味獨特。值得一試！