火薈中日火鍋

Open Now

Now Closed

男朋友想打邊爐， 放工近近地搵左間高評價既火鍋店，9:00前入座火鍋料85折， 而9:00點後入座全單仲有8折。懶得諗既我地，直接叫左個鮑魚龍蝦海鮮餐。只係 $338，好抵食👍🏻湯底擇左芫茜皮蛋豆腐湯，愛茜人士必點。5款海鮮有龍蝦，鮑魚，沙白蜆，蝦同聖子。龍蝦同鮑魚絕對係亮點。龍蝦肉質鮮嫩，搭配湯底既滋味，每一口都充滿濃郁的鮮甜。鮑魚都大大隻好彈牙。沙白蜆同聖子好鮮甜而蝦新鮮多汁，大隻得黎好爽彈，好正👍🏻除了海鮮，還包左鮮牛肉，響鈴，手打三寶丸，雜菜拼盤同烏冬。牛肉肉質鮮嫩多汁，入口即化。三寶丸有牛丸， 墨魚丸同豬肉丸，全部都真材實料，口感彈牙， 我最愛牛丸😝烏冬係稻庭烏冬，響鈴同烏冬吸收哂海鮮精華，必食。