川粵時光 (Closed)

今日黎到第一個既感覺就係所有野都好靚！坐落銅鑼灣極佳地段無敵維港景，呢度個裝修同環境係舒適寬敞，豪得黎一啲都唔老土，啱哂傾計飯局。幾個頭盤都已經好有驚喜，包括酸辣魚皮，涼拌秋葵，蒜泥手拍青瓜。魚皮口感十分爽口，辣辣地當零食真係愈食愈過癮。拌秋葵既汁係一種幾特別既酸辣，作為開胃菜一流。手拍青瓜一向都係我至外，入口涼爽，蒜泥香而個汁夠酸辣，好食開胃。夫妻肺片呢度都做得好唔錯，肺片爽口又入味。開胃酸菜青鱸魚係今晚既重心主菜，魚片滑到不得了，直頭係跣住入口咁。伴底既麵線連酸菜湯一齊食都好正，所以就算份量唔細都好快食哂，因為真係正。黃金椰菜花都係一大推介。個蛋黃醬炒落椰菜花好邪惡但超級香口惹味。紅糖冰粉夏天食真係好爽，食完一餐辣野個人出左啲汗，脷又有啲麻既時候食，個人即時涼爽哂。荔枝養生花茶色彩繽紛，味道清新，視覺味覺都照顧到。食物環境氣氛都有，地點方便，傾計飯局又一新選擇。