Video
Read full review
2005-11-15
0 views
第二十九回——意大利菜裝修平實普通食物毀譽參半鋪址前身和隔離左右店舖曾經是時裝店﹐大概係Moiselle、Viola等等﹐以前都經常去行﹐近一年冇去﹐亦忘記了。看食評見有食家形容得唔錯﹐還以為是Le Parisien向海那邊的新食肆﹐尤其是KC 講果句﹕「落地大玻璃將出面的陽光引入來，感覺幾舒服。」就把我騙倒了﹐所謂落地大玻璃﹐其實隔離就已經係一條行人走廊﹐而所謂出面的陽光﹐是條走廊再隔條出面對住交易廣場的行人天橋囉﹗我訂了檯才看IFC 的Floor Plan﹐已經發覺很奇怪﹐來到時真係幾失望﹐朋友一早已經到了﹐是坐在內廳﹐唔駛我講你地都估倒﹐我唔會轉出去坐所謂的落地大玻璃囉。裡面只是很普通的裝修﹐實木的檯椅﹐牆上掛上數幅畫而已。我還以為是十分寫意的環境﹐但論裝潢﹐是沒有﹐說它舒適﹐又不是。訂檯時我已經知道星期六lunch提供Holiday Special ﹐是Pizza加Pasta ﹐我聽了已經唔想叫﹐尤其我唔鍾意吃Pizza, 於是我們散叫﹐對我來說﹐餐牌的選擇很少﹐例如頭盤有約八款﹐但其中過半是沙律﹐我又唔鍾意食沙律的﹐結果叫了個Salmon Cappicio ﹐主菜朋友選了Du
裝修平實普通
食物毀譽參半
鋪址前身和隔離左右店舖曾經是時裝店﹐大概係Moiselle、Viola等等﹐以前都經常去行﹐近一年冇去﹐亦忘記了。看食評見有食家形容得唔錯﹐還以為是Le Parisien向海那邊的新食肆﹐尤其是KC 講果句﹕「落地大玻璃將出面的陽光引入來，感覺幾舒服。」就把我騙倒了﹐所謂落地大玻璃﹐其實隔離就已經係一條行人走廊﹐而所謂出面的陽光﹐是條走廊再隔條出面對住交易廣場的行人天橋囉﹗
我訂了檯才看IFC 的Floor Plan﹐已經發覺很奇怪﹐來到時真係幾失望﹐朋友一早已經到了﹐是坐在內廳﹐唔駛我講你地都估倒﹐我唔會轉出去坐所謂的落地大玻璃囉。裡面只是很普通的裝修﹐實木的檯椅﹐牆上掛上數幅畫而已。我還以為是十分寫意的環境﹐但論裝潢﹐是沒有﹐說它舒適﹐又不是。
訂檯時我已經知道星期六lunch提供Holiday Special ﹐是Pizza加Pasta ﹐我聽了已經唔想叫﹐尤其我唔鍾意吃Pizza, 於是我們散叫﹐對我來說﹐餐牌的選擇很少﹐例如頭盤有約八款﹐但其中過半是沙律﹐我又唔鍾意食沙律的﹐結果叫了個Salmon Cappicio ﹐主菜朋友選了Duck Breast。
先來麵包﹐是外皮略硬﹐內裡鬆軟的白麵包﹐已經切成塊狀﹐我覺得麵包好鞋﹐唔太新鮮﹐只係番叮過覺得幾熱﹐同Madison’s完全冇得比﹐甚至差過Grappa’s, 但係一向不太愛吃麵包的朋友卻說不錯﹐我估真係各人口味不同。
跟住來的是Salmon Cappicio一早已經分了兩碟﹐鋪成圓形﹐整齊地放上了沙律葉﹐賣相十分討好﹐而味道亦是十分鮮味﹐三文魚有微微的甜味﹐混和了橄欖油﹐入口融化﹐值九十八分。
之後來的鴨胸﹐上來時已經一碟都係水﹐鴨胸肉疊到一個小山咁﹐裡面竟然夾有中國生菜。我試吃一口﹐好像是用水淥熟而不是煎熟咁﹐上面稀稀地淋上個汁﹐但擺脫不了滾水淥熟的味道﹐當中有幾片鴨肉還頗為生﹐再加上幾條有「框」的生菜﹐真係心都實埋﹐朋友客氣地說他們用了中式的煮法。
我去洗手間﹐回來時男侍應生(還是經理﹖)正詢問朋友的意見﹐朋友說我是寫食評的﹐對食較有研究﹐那位先生即時說他們的主打菜其實是Pasta和甜品﹐肉類可能整得冇咁好(咁你即係知喇﹗)﹐如果有甚麼不妥善之處﹐叫我手下留情(佢真係咁講窩)。我心唸﹐你傻喇﹐要批評的話﹐我一定一定係絕對絕對「唔會」手下留情既﹗
唔知點解﹐個侍應(定經理﹖)咁鍾意癡住我地﹐過一陣又來問我地要唔要甜品﹐我個心有有少少想試﹐不過主菜咁差﹐加上朋友說飽了﹐便算吧。
最後﹐雖然被KC的甜言蜜語騙了來這裡吃﹐又遲了少許﹐一向大方的我﹐依然講番句﹕「生日快樂﹐祝你DayDay 都開心﹗」
智慧分享﹕「Never say goodbye if you still want to try; never give up if you still feel you can go on; never say that you don't love that person anymore if you can't let go. 」
Post
