Video
Read full review
2018-01-24
345 views
約朋友梗係要食好啲 今日仲要係佢哋兩個派貼嘅大日子 想唔好都唔得 咁就不如真係去食蠔喇 我哋一早就book咗呢間位於尖沙咀嘅oyster cove 之前係第二間貪平食過特價蠔 最後攪到齊齊腸胃炎真係唔敢再試 今次要食番啲有口碑嘅海鮮店 呢間oyster cove位於內街 門口可以泊車 旺中帶靜 去到嘅時候人數唔係太多 裝修都係防酒吧設計 好有格調 燈光昏暗真係好想叫返兩杯酒飲呢到幾乎所有海鮮都可以自由配搭 啱曬有唔同喜好嘅客人們 上菜見到佢用兩盆大大盤嘅餐盤堆砌成嘅海鮮塔 真係好震撼 上面嘅海鮮全部都好新鮮 又有冰底喺下面 慢慢影完相打卡再食 都未遲 叫咗六款唔同嘅生蠔每樣四隻 呢度好處係店員都會好細心為你介紹生蠔嘅品種同特式 上菜時仲好詳細咁講先後次序 由淺味食到濃味 個人就喜歡淡味嘅呢隻Majestic 較為食到生蠔嘅鮮甜味 而且口感好creamy滑身 除咗honey point外($32) 其他Lambert, Pousse en Claire , Majestic, Gillardeau, La Perle Noire每隻都係39蚊 係由法國新鮮空運到港嘅生蠔黎講 價錢唔貴
我哋一早就book咗呢間位於尖沙咀嘅oyster cove 之前係第二間貪平食過特價蠔 最後攪到齊齊腸胃炎真係唔敢再試 今次要食番啲有口碑嘅海鮮店
呢間oyster cove位於內街 門口可以泊車 旺中帶靜 去到嘅時候人數唔係太多 裝修都係防酒吧設計 好有格調 燈光昏暗真係好想叫返兩杯酒飲
呢到幾乎所有海鮮都可以自由配搭 啱曬有唔同喜好嘅客人們 上菜見到佢用兩盆大大盤嘅餐盤堆砌成嘅海鮮塔 真係好震撼 上面嘅海鮮全部都好新鮮 又有冰底喺下面 慢慢影完相打卡再食 都未遲
叫咗六款唔同嘅生蠔每樣四隻 呢度好處係店員都會好細心為你介紹生蠔嘅品種同特式 上菜時仲好詳細咁講先後次序 由淺味食到濃味 個人就喜歡淡味嘅呢隻Majestic 較為食到生蠔嘅鮮甜味 而且口感好creamy滑身 除咗honey point外($32) 其他Lambert, Pousse en Claire , Majestic, Gillardeau, La Perle Noire每隻都係39蚊 係由法國新鮮空運到港嘅生蠔黎講 價錢唔貴
原隻法國白象拔蚌刺生 象拔蚌喺火鍋店白灼就食得多 刺身就好少見 而且少有既白象拔蚌 師傅切到好薄 食落口爽口 鮮甜彈牙 完全冇un嘅感覺
地中海天使紅蝦呢隻蝦有成8吋長 打開個蝦頭 入面超多膏 而且啖啖都好鮮味 食落一啲都唔澀 證明好新鮮 甜蝦身比一般嘅刺身蝦紅 應該係蝦紅素較為豐富 肉質鮮甜而且食落無根無渣
帶子刺身 活北寄貝刺身 原版海膽 估唔到食西式凍海鮮嘅餐廳 都會有咁日式嘅海鮮選擇 呢三種刺身都好高質素 超鮮甜 海膽有回甘 而且分明 分量多 粒粒都係鮮橙色 再配上烘咗嘅紫菜同wasabi鼓油一齊食 好似喺日本食緊新鮮開嘅海膽咁
原隻活龍蝦刺身 龍蝦都係新鮮空運到港 去完殻 然後切到好薄 師傅刀工真係好 再點醬汁食 果然鮮味十足 而且肉質好彈牙 食落仲有龍蝦淡淡嘅甜味
法國珍珠螺 同樣係空運到港 珍珠螺同樣地起肉然後切片 唔同嘅地方係爽口彈牙 而且較濃嘅海水味 同埋螺嘅甜味
龍蝦濃湯 呢個龍蝦湯做得好出色 上菜時已經聞到好大浸龍蝦味 上面加咗淡忌廉去點綴 飲落口好滑舒服 而且有少少嘅辣味好惹味 入面仲有豐富嘅龍蝦肉
鵝肝多士 從未食過咁豪嘅鵝肝 點解咁講？因為上面嘅鵝肝差唔多有成吋厚 好誇張 而且係冇包粉落去煎 整到外脆 入面仲係鮮嫩嘅粉紅色夠曬juicy 一咬落去成口都係鵝油香味 加上多士上面搽咗奇異果醬 有淡淡嘅果酸味 中和番鵝肝嘅油膩 必食
清酒煮蜆 份量好多 而且粒粒大大粒都好巨型 爆肉 配上清酒煮好夾
黑毛豬扒沙律 黑毛豬用咗乾煎嘅方式 唔un而且肉味濃 上面配上黑松露醬汁同沙律菜一齊食煮法特別
燴龍蝦意粉 用左龍蝦湯底去做醬汁 都好香龍蝦香味 而且意粉煮得軟硬適中 高質素 個汁係鮮橙色 食到尾聲都令人食指大動
松露蟹肉意大利飯 呢個意大利飯 煮得好出色 飯入面有少少咬口 而且個汁 係忌廉加上黑松露煮成 蟹肉份量都幾多 啖啖肉 一齊食出色
呢餐真係好滿足 估唔到係尖沙咀都可以食到來自世界各地新鮮空運到港嘅新鮮海鮮 仲喺刺身方式咁食 埋單四千蚊 每人一千蚊我覺得係超值 耐不耐食餐都唔會太肉赤
Post
