大丼屋 (Closed)

今日又去咗城門行山 行完之後攞去荃灣搵食 見到呢間大丼屋心血來潮就入去試下啦首先叫左個 岩石炸雞爆丼定食 雞嘅份量十分驚人 如圖所見 雞係好似一座山咁樣壓喺飯上面 古有泰山壓頂 而家就有炸雞壓飯 真係前無古人呀 而且雞肉炸得好香脆酥軟 雞肉味亦都好濃 飯嘅質感亦都唔軟唔硬 啱啱好 值得一讚北海道海鮮丼定食 同炸雞丼一樣 北海道海鮮丼嘅材料亦都十分豐富 有三文魚 油甘魚 帶子 蟹籽 珍寶赤蝦 同埋我最鍾意嘅海膽 三文魚油脂豐富 肉質肥美 油甘魚魚味突出 帶子鮮甜可口 蟹子爽脆彈牙 珍寶赤蝦鮮甜富海水味 而海膽更加係甘香滿口季節蔬菜天婦羅 呢個天婦羅有南瓜 蕃薯 矮瓜同冬菇 全部食材都幾新鮮 而且炸得唔肥膩 幾好幾好鱈魚片 雖然睇落好似薯片咁樣 但係佢真係名副其實嘅魚肉做出嚟嘅片嚟嘅 非常之富有魚味 而且好脆口雞骨腸 非常之有雞味 唔似普通香腸咁得個鹹字豬肉餃子 用料十足 入面嘅豬肉非常之有肉汁 而且幾爽口彈牙 餃子皮亦都炸得好脆口章魚小丸子 燒得剛剛好 入面嘅章魚粒都好彈牙爽脆 出面嘅粉團炸得夠乾身玄米茶 解膩消滯之選