麥當勞

Open Now

Now Closed

平日早上，難得放假，走過來呢間冇乜人嘅麥當勞食吓早餐。見到有豬扒早餐，就試吓，感覺好似健康啲，唔係加工嘅漢堡扒。用手機落單，如果用PayMe俾錢仲有$5優惠券可以扣。扣完都要$32.5，坐喺位用手機落完單，等咗10分鐘左右終於有得拎。打開個盒，豬扒比想像中細塊，蛋嘅份量亦都比想像中少。餐具而家都係用上木嘅餐具，感覺比以前環保。但起初切豬扒嘅時候，都有考慮過把刀夠唔夠力，結果都切到嘅。塊豬扒鹹咗少少，好彩細細塊姐。蛋同包同薯餅就正常發揮。加咗兩蚊要熱磨咖啡，感覺比平時多咗啲奶。