Video
Read full review
2017-08-16
925 views
記得最初喺呢頭返工，我係有同同事出街食lunch，但公司比較偏僻，所以最近除咗有線樓下嘅串咀茶仔，就係大熱天時唔會想去嘅柴灣角街大排檔!呢個豬扒飯真係經典，大家睇下佢嘅質素同價錢嘅進化過程!>>>版本1.0(大約2011年)~厚切豬扒配珍珠米 ( 45 蚊 )>>>版本2.0(大約2013年)~薄切豬扒配普通米 ( 55 蚊 )***我食過一次就冇再食!>>>版本3.0(2017年) 厚切美國Farmland豬扒配珍珠米 ( 60 蚊 )***睇到openrice 嘅編輯推介評語吸引我再次幫襯!星期六放工約埋個同事一齊去食，之前都係我哋兩個去食嘅，所以大家都經歷過以上嘅進化。Lunch time 原來只提供飯(冇得轉意粉)，你可以隨自己喜歡選醬汁，有辣有唔辣!除咗以下呢個menu，仲有一個粟米斑塊飯，肉醬意粉同素菜意粉，好似大約50蚊。其實佢唔算特别好食，份量唔算多，環境一般又冇冷氣，夏天你唔會願坐得太耐，以大排檔嚟講佢都幾貴!不過我哋今日係星期六，冇乜人咁啱又陰天加大風，坐得都算舒服。原本想食嘅豬扒出前一丁或者多
呢個豬扒飯真係經典，大家睇下佢嘅質素同價錢嘅進化過程!
>>>版本1.0(大約2011年)~厚切豬扒配珍珠米 ( 45 蚊 )
>>>版本2.0(大約2013年)~薄切豬扒配普通米 ( 55 蚊 )
***我食過一次就冇再食!
>>>版本3.0(2017年) 厚切美國Farmland豬扒配珍珠米 ( 60 蚊 )
***睇到openrice 嘅編輯推介評語吸引我再次幫襯!
星期六放工約埋個同事一齊去食，之前都係我哋兩個去食嘅，所以大家都經歷過以上嘅進化。Lunch time 原來只提供飯(冇得轉意粉)，你可以隨自己喜歡選醬汁，有辣有唔辣!除咗以下呢個menu，仲有一個粟米斑塊飯，肉醬意粉同素菜意粉，好似大約50蚊。
其實佢唔算特别好食，份量唔算多，環境一般又冇冷氣，夏天你唔會願坐得太耐，以大排檔嚟講佢都幾貴!不過我哋今日係星期六，冇乜人咁啱又陰天加大風，坐得都算舒服。
原本想食嘅豬扒出前一丁或者多士配炒蛋只係早餐8am 至11am & 2:30pm 至4:30pm供應，但同樣係60蚊!
黑椒煎豬扒飯
煎豬扒味適中但比較鞋口，珍珠米飯硬度ok，黑椒汁一般。原本叫“多汁”但伙計落單時話佢哋本身已經係勁多汁，睇下夠唔夠先!之後睇多次個menu原來另叫汁要收5蚊，感覺有d小家，個飯已經收咁貴，如果真係要再多汁竟然要收錢~
黃咖哩吉列豬扒飯
吉列豬扒比較鬆化但略嫌偏鹹，黃咖哩微辣帶少少甜，幾好味!
跟餐有冷熱飲品，同事叫咗杯熱飲，我就加咗8蚊轉咗杯特飲。
華田爆脆
自從舊年喺新加坡飲過後就好鍾意!返到香港都見過有d茶仔有poster 但想叫嘅時候又話冇，估唔到呢度會有!
味道其實同一般華田一樣，不過佢沖得幾濃，飲到尾都冇比冰溝淡，面頭仲好多脆脆!正!
Post
