美珍香

Open Now

Now Closed

放工返屋企經過呢間店舖，聞到好香嘅肉香味，有咁岩口痕，咁就買咗少少豬肉乾同牛肉乾返屋企食。講真價錢其實都貴貴地，幾百蚊買唔到幾多。 包裝裏面會有卡，寫低點樣存放啲肉乾，同埋食用嘅方法。就咁食嘅話就會油膩啲，整熱食就會好味啲，增加佢嘅香氣同肉汁。 豬肉乾似燒烤醬汁嘅味道，唔會話乾爭爭，咬落口其實都易咬，唔會太硬，整體嚟講其實我覺得豬肉乾會好食過牛肉乾。 牛肉乾果種牛肉汁冇咩問題，不過肉質會比豬肉乾偏硬少少，要有番少少牙力先咬得開，而且會更加偏油膩，冇豬肉乾咁juicy。