Green Orange

位於上環的歐陸式餐廳Green Orange，藏於鬧市中既2樓，但絕對掩蓋唔到佢既美味。餐廳環境舒適，氣氛輕鬆。聽講係由一班鐘意周遊列國嘅朋友開設，味道自然正宗。今次去左食佢地嘅lunch set，份量都幾多，味道亦十分出色。每個set都有附送沙律，麵包，餐湯同一杯餐飲，今次去既餐湯係甘筍湯甘筍湯香甜順滑，口感濃厚，帶有自然甘香，非常開胃。紐西蘭走地雞脾肉配蕃茄香草醬意大利麵雞肉份量十足，煮到好嫩滑，配上蕃茄香草醬意大利麵，醬汁Creamy但不膩，一啖接一啖都唔會覺得好膩，好快就俾我地食哂。燒BBQ美國豬肋骨BBQ豬肋骨外焦內嫩，醬汁好惹味，煮到滲透入肉，一上碟已經香味四溢。隨碟有蕃茄、西蘭花同醃青瓜去中和返油膩感，不過佢地嘅豬肋骨半身肥瘦適中，就算一人食一半都唔會覺得好滯。