M Kitchen (Closed)

同仔仔行完千色店之後有點肚餓，就同仔仔來到 M Kitchen， 之前見好多朋友仔都推薦就來食下。我們叫了以下幾款食物：下午茶餐蟹子揚州炒飯 ～ 炒飯粒粒分明，有蟹子配住食特別爽。 不過最後食唔哂打包左。M Kitchen肉醬意粉 ～ 小朋友最愛食物之一，我仔仔一個人都食左超多大半碟， 濃濃的肉醬冇得輸。加18蚊 焗芝士蕃茄大菇 ～ 新鮮即焗芝士半溶係大菇上。加18蚊 黑松露炒蛋法式多士 ～ 黑松露炒蛋真係好香，雞蛋連同多士一口咬下，口感夠哂豐富。跟餐飲，凍檸茶和凍朱古力因為仔仔特別鍾意食豬肋骨， 我仲叫左份燒焗美式豬肋骨配薯條，估唔到有水準喎，一刀切已經好易切開， 仔仔好易就成條揸住食，醬汁夠濃郁， 配上即炸粗薯條好滋味。疫情希望快d 可以過，咁就可以約多幾個朋友一齊開餐，叫多幾款美食嘆。