The Salted Pig (MegaBox)

Open Now

Now Closed

豬豬豬豬豬，成間舖頭都係豬！啲碟有印有豬樣，有大型、小型豬擺設。地方寬敞，湖水藍色嘅裝修，座位有軟墊，特別卡位仲大啲，坐得都算好舒服。服務好貼心，成日問你有咩需要。店員會同小朋友傾偈，拎顏色筆比佢哋畫畫，重會送糖哄小朋友！蕃茄肉丸意粉意粉彈牙，肉丸大粒又香，新鮮蕃茄打成茸做醬汁，整個意粉健康又好味。雜菌松露意大利飯飯質粒粒分明，煙靭易入口。有好多雜菌，松露味重，加埋芝士，個飯十分美味。慢煮脆皮豬腩，薯仔沙律，烤甘筍，香辣醋汁呢道菜式必須推介，慢煮脆皮豬腩，外皮薄脆，豬腩脂肪均勻，味道醃得剛剛好，食落有種入口即溶嘅感覺。不得不提每到配菜都好好食，烤甘筍用蜜糖烤，味道甘甜。薯仔沙律爽口好味。豬腩配埋個香辣醋汁食，會更惹味。